يا اهل الرياض ابي احسن ورشة فحص للدفرنسين

[التميمي]

السلام عليكم

يا اهل الرياض النشاما ناوين ان شاء الله نطرش هالسنه للجنوب وودي اشيك على السياره وابي ورشة ذمة وشغل زين للنيسان اللدسن دفرنسين لاني اسمع فيه صوت تحت عند الركبه أو الذراع وودي ادبل المساعدات

لا خلا ولا عدم وان حصل رقم تلفون لها

[الشيخ]

اسمع اخوي

بالنسبه لتدبيل المساعدات فما غير بن نويصر لا تدور احد وهو مشهور كل يعرفه في شارع الجمعية

ويمكن يدلك على الللي متخصصين في الدفرنسات

وانا اعرف ان شارع العويضة مليان وكلهم متخصصين دفرنسات بس عاد منهو الاطيب ما ادري

لكن انت ناظر الورشة اللي دايجها كثير تراها زينه






اخوك الشيخ

[التميمي]

مشكور اخوي الشيخ

بن نويصر والله ما ادله ولا شارع العويضه ما ادل شي يا ليت تقريب لي شوي الله لا يهينك والله يجعله في ميزان حسناتك

[محمد القحطاني]

حنا نددلك

بس خبرنا وش اقرب شي تدله بالصناعية ( صناعية الخرج )

او حتى بالرياض نفسها وش النقطة التى تقدر الوصول لها

بارك الله فيك

[هاوي بر]

اسمع اخوي

بالنسبه لتدبيل المساعدات فما غير بن نويصر لا تدور احد وهو مشهور كل يعرفه في شارع الجمعية

ويمكن يدلك على الللي متخصصين في الدفرنسات

وانا اعرف ان شارع العويضة مليان وكلهم متخصصين دفرنسات بس عاد منهو الاطيب ما ادري

لكن انت ناظر الورشة اللي دايجها كثير تراها زينه






اخوك الشيخ



ما شاء الله عليك يا الشيخ حتى في الورش تعرف

ما شاء الله

[التميمي]

ما تقصر اخوي البري وافي جعل الي جابوك في الفردوس الاعلى

والله وانا اخوك ادل انزل للصناعيه من عند الدائري وانا جاي من حراج ابن قاسم ثم انزل يمين من عند المخرج بعدين الظاهر يجيني محلات تركيب القزاز عند اشاره الى هنا الي ادل

[نجم تمير]

ههههههههههههههههه الشيخ لو تقول له ابي احسن ورشه في جيزان قالك

ماشااااء الله