المساعد الشخصي الرقمي

مشاهدة النسخة كاملة : ابداعات شاعر - 1 -

nahham
2006-05-25, 11:35 AM
..

.

مرحبا شباب

كثيرا ما اجد قصائد شعر رائعه ورائعه جدا اتمنى تشاركوني قراءتها

اليوم جايب لكم قصيدة للشاعر عبدالهادي بن سعيد بن ثعلي الروقي

يقول الشاعر :

عديت فــــي مرقب والليـل ممسينـي........بديار غرب لعل السيـل ماجاهـا

أضحك مع اللي ضحك والهم طاويني.......طيت شنون العرب لاسربوا ماها

وراك ماتزعجيـن الدمـــــــع ياعينـي..... .على هنوف جديد اللبس يزهاهـا

هبت هبوب شمـال وبردهــــا شينـي.......ماتدفي النار لـو حنـا وقدناهـا

مايدفي الا حشــــا مريوشـة العينـي.......وإليا عطشنا شربنا مـن ثناياهـا

أبـو عيـون اليـا ســـــلهـم تناجينـي........ياقرد عين المشقا كيـف يقواهـا

ياشبـه وضحـا فتـاة دلهــــــا زينـي........داجت على عقلة والورد ماجاهـا

ياعل من شار بالفرقى عمى العينـي......مخباط صمعا جليل الفخذ يشظاها

جعله حسير كسيـر وراكبـــــه دينـي......وأتلى حلاله ذلــــول راح يطلاهـا

اتمنى تكون اعجبتكم

..
..
هاوي بر
2006-05-25, 11:56 AM
مشكور وماقصرت

ابيات جميله

صح لسانك ولسان الشاعر

تسلم اخوي نهام

نريد المزيد من ابداعك المميز
معدي المرقاب
2006-05-25, 11:57 AM
الله يعطيك العافيه يابو هشام


تصدق انا دايم اعدي في المراقيب بس عجزت اجيب قصيده مثل قصيدة بن ثعلي


مشكوووووووووور


__________________________________________________ ___
دافنشي
2006-05-25, 12:20 PM
هذي يبي لها طلعة بر في احد الحزوم ومع شيلة سامري على كيف كيفك

شكرا لك على الاختيار



ليونارد دافنشي
nahham
2006-05-25, 12:24 PM
مشرفنا : هاوي بر

حياك الله وشكرا على المرور والتعليق
nahham
2006-05-25, 12:25 PM
اخي الكريم : معدي المرقاب

طالما ان هناك محاولات لابد من النجاح

بالتوفيق
nahham
2006-05-25, 12:26 PM
اخي الكريم : دافنشي

اي والله ياحلاة البر في ليالي صيف نجد وعلى ضوء القمر

وحولك شبة النار ورجال يحبهم قلبك
عبدالهادي المفرج التميمي
2006-05-25, 01:19 PM
وش راااااايك نهااام نشيلها الليله في مكاااااااااانا اللي تواعدنا فيه

ترااااااااااها زينه

مشكوووووووووور




سلام
nahham
2006-05-25, 02:21 PM
هلا وغلا : هادي

قدااااااااااااااااااااااااام

لو تبي نجيب الطبول
هاوي بر
2006-05-25, 02:28 PM
مشرفنا : هاوي بر

حياك الله وشكرا على المرور والتعليق



ما شاء الله عليك يا مشرفنا اذرك شاعر

ما شاء الله
الغربي
2006-05-26, 01:59 AM
ياسلام

مشكور ابووووووووو هشام


بس ماعليك من معدي المرقاب تراه شاعر كبير جدا

ودايم يسبني متسلط علي
nahham
2006-05-26, 08:28 AM
مشرفنا : هاوي بر

لا والله ماني شاعر

الا صح لسان الشاعر اللي قال القصيده
nahham
2006-05-26, 08:30 AM
اخوي : راع الغرابه

اولا وينك انت على شمسك غيوم

لكن ادري الدراسه والاختبارات ..... الله يوفقك وينجحك وينولك اللي في بالك

شكرا على المرور والتعليق الممتاز

وانت ادرى بصاحبك خخخخخخخخخ
صقر البر
2006-05-26, 09:18 AM
وعليكم السلام ورحمة الله وبركاته

قصيدة رائعه وتعتبر من روائع الشعر الشعبي

وعلى الخير نلتقي

اخوك صقر البر
محمد القحطاني
2006-05-26, 05:15 PM
بارك الله فيك اخي الكريم

قصيدة رائعه لشاعر مخضرم

تعتبر رائعة من روائع الشعر حتى الان

لك كل شكر وتقدير
nahham
2006-05-26, 06:07 PM
اخي الكريم : صقر البر

شكرا جزيلا والقصيده فعلا مميزه

تسلم
nahham
2006-05-26, 06:08 PM
اخي الكريم : البري

انا من قريتها اعجبتني وقلت اخليكم تقرونها معي

تسلم
نقا هشال
2006-05-28, 12:41 AM
يعطيك العافيه اخي نهام

اختيار موفق

كل الشكرلك
nahham
2006-05-28, 08:05 PM
اخي الكريم نقا هشال

شكرا على المرور والثناء الجميل
al7rbi
2006-05-28, 09:18 PM
يعطيك العافيه اخي نهام

كل الشكر لك وهي تستاهل ان تكون ابداعات
nahham
2006-05-29, 10:12 AM
اخي الكريم : al7rbi


شكرا لك على المرور والتعليق
منصور المناع
2006-05-31, 04:57 AM
صح لسانك ولسان الشاعر

وأختيار موفق يدل على تذوقك الجميل لشعر

جزاكم الله خيرا أخوي أبوهشام وبارك الله فيك

ونسأل الله أن يعيننا لتقديم النافع والمفيد

وأن يكتب لنا ولك للجميع الأخوات الأجر والمثوبه
A7MAD
2006-05-31, 05:59 PM
خل الاختبارات تخلص وابشر بالسامري

تعيييييييييييييييييييييييييييييييييييش
صبا نجد
2006-06-01, 08:40 AM
يمال العافيه وطولة العمر
فديت هالخشم
الف شكرررررررررررررررررررررر
nahham
2006-06-03, 01:04 PM
اخوي اتيكا

هلا وغلا ابو مشعل

شكرا لمرورك طال عمرك
nahham
2006-06-03, 01:04 PM
اخي الكريم : A7mad


شكرا لك ولمرورك ولتعليقك الجميل
nahham
2006-06-03, 01:05 PM
اخي الكريم : صبا نجد

ياهلا وغلا بهالطله

نورتنا طال عمرك

ياهلا
ولد نجد
2006-06-03, 03:04 PM
قصيدة رائعة ومشهور
لكن وش يقصد بالصمعا يوم انه يقول
ياعل من شار بالفرقى عمى العينـي......مخباط صمعا جليل الفخذ يشظاها
وشكرا يانهام
nahham
2006-06-03, 09:25 PM
اخي الكريم : بدوي فاهم

شكرا على المرور يالغالي

الصمعا نوع من انواع البنادق التي كانت تستعمل في زمن الشاعر الله يرحمه

والمخباط طبعا الرصاص

شكرا لك
ابو منقاش
2006-06-04, 09:03 PM
ياويل حالي
وين الشباب ووين الطيران

تعيييييييييييييييييش
nahham
2006-06-05, 08:03 PM
اخوي : ابو نقاش

والله ماتنلام

السامري حلو في ليالي الصيف
فايز
2006-06-07, 11:29 PM
الله من يجر السامري بحضور النشاما قرب الدلال
لاهنت يالغالي
nahham
2006-06-10, 06:36 PM
اخي الكريم : فايز

اي والله للسامري طعم خاص
عاشق
2006-06-12, 01:10 AM
ياعل من شار بالفرقى عمى العينـي......مخباط صمعا جليل الفخذ يشظاها

جعله حسير كسيـر وراكبـــــه دينـي......وأتلى حلاله ذلــــول راح يطلاهـا

امييييييييييييييييييييييييييييين
nahham
2006-06-13, 08:56 AM
اخوي : عاشق

الله يكون في عونك

الله يكون بعون كل العاشقين
فتى الساروت
2006-06-20, 06:09 PM
عديت مرقب والليل ممسيني............................................ ................................... بديار غرب لعل السيل ماجاها ماقصرت اخوي
الجارالله
2006-06-28, 10:05 AM
مشاركة متميزة ربي يعافيك على هذا الموضوع

اخوك الجارالله
عبدالناصر
2006-07-22, 03:38 PM
ياعل من شار بالفرقى عمى العينـي......مخباط صمعا جليل الفخذ يشظاها

امين
nahham
2006-08-04, 08:21 AM
الاخ : فتى الساروت
الاخ : الجار الله
الاخ : عبدالناصر

مشكورين على المرور
مخايل برق
2006-09-01, 03:30 PM
كمل ابداعات الله يرحم والديك يامشرفنا
مغرز بالمسفلت
2006-09-06, 08:36 AM
ماشاء الله تبارك الله شيء رائع يالغالي
سواق الوايت
2007-04-27, 09:36 AM
ياشبيب عيني
ذبحتنا وفتحت الجروح يالغالي