مطلوب جيب شاص أو gxr

[ذيب النشاما]

السلام عليكم

مطلوب جيب شاص من 2000 الى 2002 بيج نظيف خالي من السمكره
أو جيب gxr موديل 2001 أو 2000 اللون أبيض او بيج
نظيف خالي من السمكره والله الله با ذمه
وأن تكون اسعــارهن معقوله

وجزاكم الله كل خير وأن شاء الله ما تقصرون

[ابونواف التميمي]

مرحبا اخوي فيه شاص 2003 بيج بس فيه رفرف الايمن
لك نظر

[ذيب النشاما]

هلابك ابو صفيرهـ

طيب الصدمه قويه وواضحه وعسى ما جاهـ
طعوس والشغلات هذي وعلمني وشفيه ووش معه وبكم حدك
وأن حصل له صورتين من جهة الصدمه وجهه ثانيه يكون أفضل
والله لا يهينك يالجودي وتحملني شوي وما قصرت

[ذيب النشاما]

ابو صفيره وينك أنتظرك

[ابونواف التميمي]

مرحبا اخوي ذيب النشاما واسف جداً لاني بصراحة ما شفت ردك الا قبل شوي
لكن وعدنا باذن الله بكرة اجيب لك ( المستكه واللبان)

[ذيب النشاما]

زين أنتظرك ابو صفيرهـ بكرهـ
وما تقصــر

[ذيب النشاما]

يا الـربع ما في أحـــد خا بر شـــــي

[الــصـــمـــان]

يوجد للبيع شاص م 2001 خليجي


اللون /اشهب
المواصفات / زجاج كهرب ـ 2 تانكي بنزين ـ بدون ونش ـ بدون دوفلوك


البدي وكالة ماجاه رش وسمكرة


والاستمارة تنتهي في 5/1431 + لوحة مميزة س ك و 333


لم يركب عليه اي ترهيم ابد


ماشي في حدود 330000 والممشى حقيقي


والسيارة مفحوصه


والسوم وصل 60000


ومكاني بالرياض
للمفاهمه
0555108555

__ __ __ __ __

اخوي ذيب ... هذا واحد من الشباب حاط هذا الأعلان .


وما أعرفه شخصياً ... بس حبيت أفزع معك .



.

[مكثور الخير]

اذا خبرت لك شي ابشر بعزك

[ذيب النشاما]

الصمان
جزاك الله خير وما قصرت والله يوفقك ويسعدك
وتسلم ياالنشمي والله يعافيك وراح أتصل عليه أشوف

مكثور الخير
الله يعطيك العافيه وما تقصر يالغالي

[الكنق11]

أخوي طلبك موجود

تفضل
http://www.al-tejarh.com/index.php?action=advs&advid=169

[ذيب النشاما]

الكنق 11

يعطيك العافيه أخوي وما قصرت
ولا هنت .......

[عاشق الدهناء]

السلام عليكم ورحمه الله وبركاته
موجود موديل 2000 نظيف جدا ماشاء الله
الون بيج وماشي مايقارب 118000 حقيقي
بريمي فل كامل