طاولة لاب توب عصريه تفضل واختار لونك المفضل

[عصر الرؤية]

السلام عليكم ورحمة الله وبركاته..

مرحبا اخواتي .. ان شاء الله اخبار الجميع بخير وصحه..
طاولة اللاب توب العصرية
الطاوله العصريه للابتوب

مواصفات الطاوله للتذكير..
عرضها 79سم
سمكها اسم
وعرضها من جوا 41 سم الى 44 سم نزولاً للأسفل
ارتفاعها من الارض 20 سم
الطاوله اصليه صناعة شركة صينيه
مصنوعه من الخشب
فيها ربل للماوس وتنفع للي تستخدم يدها اليمين او اليسار
ولتسهيل حملها فيها مقبض لليد..
يتوفر منها لونين
الأساسي واللي تم حجز كمية كبيره منه هو البيج
وهذي صورتها
http://alfrasha.maktoob.com/up/1261219103166770301.jpg


اما اللون الثاني بني
اللون افتح شوي من الصوره.. لكن الكيس مغبشها شوي..

http://alfrasha.maktoob.com/up/8200773562097201288.jpg
مثل ما شفتوا الطاوله تجي مغلفه بكيس شفاف وداخل كرتون ابيض من نفس المؤسسة,..




سعر الطاوله 295 ريال مع التوصيل او الشحن

سعر الطاوله 275 ريال في حال استلامك لها من مقر المؤسسة في الرياض


سعر الخصم يبدأ من عدد 6 طاولات فأكثر
اللي تبي ياليت ترسل رساله مختصره فيها البيانات التاليه
1- اسم المستلم انتي او اي شخص من طرفك
2- رقم هاتف المستلم وياليت تبينين الرقم لبنت او رجال
3- لون الطاوله المطلوبه
4- اسم الحي اذا في الرياض
5- اسم المنطقه

التوصيل
داخل الرياض توصيل مندوب
وداخل المملكه عن طريق شركة زاجل
اما خارج المملكه على حساب المشتري

سلامي للكل

[ابوشعيل97]

مشكور على الصوره
ولكن تم تصغير جهاز الحاسب من منزلي الى محمول وذلك لسهولة تنقله معك و هذا الحال مع الطاوله صعب انك تتنقل بالطاوله تحياتي
ابوشعيل

[الشيخ]

الله يعطيك العافيه اخوي

[أبولطيفه]

الله يعطيك العافيه على الصور وعرض جميل جدا جدا

[عصر الرؤية]

مرحبا,,

ابو شعيل
العفو
صحيح كلامك تم تصغير الكمبيوتر ولكن لم يتم تصغير عقولنا :wink:
وين بتحط المحمول على المركا..؟؟؟
او على رجولك؟؟

الطاولة سهلة الحمل وخفيفة الوزن وتحمي كمبيوترك من ارتفاع حرارةالمعالج
وتحميك ايضا من احتمال الاصابه بالعقم بسبب الحراره

عدا انها تعطيك جلسه صحيه وظهر مستقيم طوال فترة استخدام الكمبيوتر

يكفي استخدامك لها في البيت :cool:


الشيخ

يعافيك ربي

ابو لطيفة
ويعافيك ربي

شاكره لكم حضوركم الكريم..

[التميمي]

عليكم السلام ورحمة الله وبركاته

مقر المؤسسه ومواعيد العمل ورقم الهاتف

[دندشه]

وتحميك ايضا من احتمال الاصابه بالعقم بسبب الحراره

وش اللي يجيب العقم الابتوب انتبه واجد يحطونه بالشليل

الله يرزقكم

دندشه

[عصر الرؤية]

التميمي

وعليكم السلام والرحمه
حياك اخوي
مقر المؤسسة
مؤسسة ملاذ التميز للإستيراد والتجارة الرياض - الملز شارع الستين مقابل الدفاع المدني مكتب 10 هاتف: 4740100 01
مواعيد العمل من 10 صباحا حتى 10 ليلا




دندشه

حياك الله
مدري انت تسأل ولا تعلمني :23:

عموما هذا نص لأرتباط الحراره بالعقم




حذرت دراسة أمريكية حديثة من الإسراف فى استخدام الكمبيوتر المحمول
وتقول الدراسة أن المستخدمين الذين يكثرون من استخدام جهاز الكمبيوتر عليهم
أن يأخذوا مأخذ الجد هذا التحذير حيث تبين بعد العديد من الابحاث أن المبالغة فى استخدام هذا الجهاز يلحق ضررا بالغا بالخصوبة عند الرجال
حيث ان وضع الكمبيوتر على الركبتين يؤدى إلى انبعاث حرارة التى على المدى الطويل تبطىء وظيفة الانجاب عند الذكور






طبعا لو بحثت اكثر راح تلاقي تفصيل أكثر..:cool:

والله يرزق الجميع ان شاء الله


سلامي لك

[ابونوره6]

بارك الله فيك اخي الكريم

[فزاع الصمان]

السعر مبالغ فيه

[ابوريان3]

الله يرزقكم
الملاحظ على الطاوله عدم وجود فتحات للتهويه ؟ كذلك مثل ما ذكر أحد الأخوان السعر مبالغ فيه ؟ ولا أرى سبب لأرتفاع السعر ( 295 ) يعني 300 ريال ؟

مارأيك بهذه الطاوله من الخشب؟ بسعر 160 ريال فقط ويتم التحكم بها
http://alfrasha.maktoob.com/up/1134015525567741406.jpg

وهذه من الألمنيوم بسعر 220 ريال

http://alfrasha.maktoob.com/up/2077820032126822336.jpg

فقط وضعتها للمقارنة ومرة أخرى أسأل الله يرزقنا وإياكم

[عصر الرؤية]

ابونوره6

الله يبارك في الجميع


فزاع الصمان

الموضوع للبيع مو لاخذ رايك بالسعر اخي الكريم
مو محتاجه اقول لكل واحد فيكم كم كلفتنا وكم وكم الى آخره :smile:
غير جاد في الشراء لا ترد
انت تستلم مادة جاهزه لا تكلفك اي نوع من التعب من تصميم الى متابعه الى دفع مبلغ وقدره

شكرا لردك



ابوريان3

كما ذكرت سلفا من لا يرغب في الشراء لا مفسر لوجود رد له اخي الكريم

بالنسبه لفتحات التهويه اذا وجدت فأيش الفايده :smile:
ما استفدت شي وبكذا الحراره راح تنزل على رجليك
مجرد وضع الجهاز على سطح مسقول كفيل بعزل الحراره اخي الكريم

بالنسبه للطاولات المذكوره والتي وضعت صور لها ايضا ليس بها فتحات تهويه !! :smile:
يمكنك المقارنه بينها بمساحة الخشب المستخدم يعني طاولتين منها عباره عن طاولة واحده من المعروضه من قبلنا تزن 6 كيلو تقريبا

اي بمعنى 170+170=340 ريال

وسعر الطاولة لدينا 275 ريال
في حال رغبت بالتوصيل يضاف اليها 20 ريال توصيل
او تفضل انت لمقر الشركه لأستلامها

خلافا عن التصميم والإنحناءات الموجوده سبب في رفع التكلفه علينا كمؤسسة منتجه قبل ما ترتفع عليكم

علاوة على ذلك توجد طاولة شبيهه لها في المواقع الاجنبيه سعرها مع الشحن يصل الى 1200 ريال
خلافا الا ان السعر غير موحد للونين
ويمكنك البحث عنها :smile:

شكرا لردك ودعوتك


عموما اللي ما تعجبه السلعه وغير جاد في الشراء ياليت يحتفظ برأيه لنفسه لو سمحتوا
الموضوع للبيع مو لطرح الرأي



شكرا للجميع

[عصر الرؤية]

الشحن متوفر لدول الخليج عن طريق البريد السعودي..

سعر الطاولة 275 ريال

مع الشحن لأي دولة في الخليج يصبح السعر 375 ريال

سعر 6 طاولات مع الشحن تصبح الطاولة بقيمة 300 ريال سعودي..

شكرا للجميع

[محمد العبدالسلام]

السعر مبالغ فيه جداً لاني اشتريت طاوله قبل فتره خفيفه وبلون الجهاز واشتريت بعد معها حامل يوضع تحت المحمول فيه ثلاث مراوح من محلات الكمبيوتر الاثنين بثمانين ريال والله يرزقك يا اخي

[عصر الرؤية]

تشتري عشر بــ 80 احنا وش دخلنا..؟؟

مره ثانيه نقول
الموضوع للبيع اللي ما يبي يشتري لا يرد

اذا انت تكفلت فيها وعرفت قيمتها ذاك الوقت قل السعر مبالغ فيه
مو كل واحد بنمسكه نقوله قصه حياة الطاوله

اي رد بعد كذا فيه تفلسف بطلب من الادارة حذفه

شكرا

[ابونواف التميمي]

مشكوووووور

الله يبارك ويرزقك على قدر نيتك

[عصر الرؤية]

وياك يارب
وشكرا لتواجدك

[علي الشايع]

الله يعافيك .

[فتى الوسيعه]

مشكوووووووور
على الصور

[Misty Soul]

الشحن متوفر لدول الخليج عن طريق البريد السعودي..

سعر الطاولة 275 ريال

مع الشحن لأي دولة في الخليج يصبح السعر 375 ريال

سعر 6 طاولات مع الشحن تصبح الطاولة بقيمة 300 ريال سعودي..

شكرا للجميع

السلام عليكم اخي الكريم

عندي استفسار .. اذا ابا 6 طاولات .. و الشحن للإمارات ... التكلفة بتكون 300 لكل طاولة ؟؟؟

وكيف طريقة الدفع ؟

ومتى بتوصل الطاولات ؟؟


وشكرا

[راعي الجيب]

السعرمبالغ فيه
على العموم بارك الله فيك

[ديرتي]

السلام عليكم

عندي ملاحظات وانا اخوك ...

1- السعر مبالغ فيه كثيراً.
2- صعوبه نقلها ..يالله نشيل المحمول لوحدة .
3-(ما استفدت شي وبكذا الحراره راح تنزل على رجليك ) صار مكينة ماصار محمول .
4- تهديدك بحذف المشاركة غير مجدي لان الموقع الرائع يتحمل كل الاعضاء ويريد الاصلح دائماً .....وموضوعك غير صالح وبه من المبالغة الكثير ....ياخوي طاوله pc كبيرة تباع بسعر 300 ريال ....
5- يجب عليك تحمل السوق ومافية ..ولاتزعل منا يالحبيب ..

[مكثور الخير]

الله يعطيك العافيه اخوي

[اوبو وسام]

طاولة جميلة جداً أخي ولاكن السعر مرتفع شئً بصيط حيث ان الصناعة صينية ولاكن ملاحظة بسيطة ليش ماعرضت صورة الطاولة وعليه المحمول شاكر ومقدر تقبلوا مروري

[عصر الرؤية]

السلام عليكم اخي الكريم



عندي استفسار .. اذا ابا 6 طاولات .. و الشحن للإمارات ... التكلفة بتكون 300 لكل طاولة ؟؟؟


وكيف طريقة الدفع ؟



ومتى بتوصل الطاولات ؟؟




وشكرا






حياك اخوي..


اي نعم مثل ماهو مكتوب بالعرض تطلع عليك قيمة الطاولة 300 ريال..



والتوصيل عن طريق البريد السعودي خلال اسبوع الى 10 ايام لو صار ما صار

تكون عندك بإذن الله ..





لكن حاليا انتهت الكميه..



لو تحب نحجز لك كل اللي عليك ترسل اسمك ورقمك واحنا نتصل عليك...



سلامي لك..





الأخ الكريم



مكثور الخير

الله يعافيك ويبارك لك بعد يارب..






الأخ الكريم


ديرتي



حياك..



1- شايف سعر الفواتير عشان تقرر حجم مبالغة السعر..؟ تباع مثلها اصغروبدون ربل للماوس في الرياض بمحلات كبيره بقيمة 295.

2- مهيب للنقل برا بيتك هي لتعديل جلستك في بيتك والتنقل في منزلك فقط..

ولا بتروح للعالم بكمبيوترك ..!

3- الخشب عازل للحراره.. وتسلم على التريقة

4- مو انت تحدد مدى صلاحية موضوعي لو سمحت ..
سلعه للبيع ما تبيها لا ترد
ولتعلم ان بخس السلع لا يجوز لأنك اصلا تحدد سعرها بالكيف ولا تدري عن سعرها الحقيقي من الاساس ....
وتقدر تشتري طاولة pc بــ 300
محد اجبرك تشتري هذي..








5- يجب عليك ان تراعي ما تقول

لاني مو زعلانه بس ارثي لحال ردودكم .. وكأن الطاوله موجودة في السوق بسعر اقل

عموما الطاوله في النت سعرها بالشحن من 900 ريال الى 1200
فياليت تريحون اعماركم







واللي ما يعجبك بيعجب غيرك..

وان شاء الله اذا شريت الطاوله بــ 50 ريال وربي كتب لي عمر لأرسلها لك بالمجان







والحمد لله على نياتكم ترزقون



شكرا لتدخلك..





الأخ الكريم

اوبو وسام



سم هذي الصور اللي تبيها ..





صور اضافية :

http://www.malath.net.sa/96365-1203509380.jpg

http://www.malath.net.sa/96365-1203509411.jpg

http://www.malath.net.sa/96365-1203510346.jpg

http://www.malath.net.sa/96365-1203510358.jpg








شكرا لمروركم..

[ابوسعدبدر]

ياخوي اولا السعر خيالي وبعدين حطلك قطعة خشب يصير الوضع كوووووول
والمصدر الصين يعني مكلفه تقريبا 60 ريال مع الشحن لا زم تستغلوننا يكفي الرز .؟؟؟

[برق الظلام]

ممكن اخوي صورة والجهاز فوق الطاولة

[برق الظلام]

ظهرت لي الصور متأخرة ماعليش

[عصر الرؤية]

للرفع

وصول الدفعه الثالثه والحمد لله,,

بنفس السعر.. خارج وداخل المملكه ,,

تحياتي للجميع ..

[معانق الريم]

الحقيقه اخي اقول الله يرزقك رزق طيب
ونا والله اعجبتني الفكره ممتازه

[فهد التميمي]

التميمي


وعليكم السلام والرحمه
حياك اخوي
مقر المؤسسة
مؤسسة ملاذ التميز للإستيراد والتجارة الرياض - الملز شارع الستين مقابل الدفاع المدني مكتب 10 هاتف: 4740100 01
مواعيد العمل من 10 صباحا حتى 10 ليلا




دندشه

حياك الله
مدري انت تسأل ولا تعلمني :23:

عموما هذا نص لأرتباط الحراره بالعقم









طبعا لو بحثت اكثر راح تلاقي تفصيل أكثر..:cool:

والله يرزق الجميع ان شاء الله



سلامي لك



السلام عليكم

روعتني نزلت اللاب توب من رجلي حطيته على الارض

[شهد الكلام]

السلام عليكم
حبيت اعرف اذا متوفرة الطاولة اللون البيج ولا لا
وكم وزنها بالضبط اذا سمحتم

[شهد الكلام]

السلام عليكم
انا جادة بالشرا وياريت توفرون لي المعلومات اللي طلبتها

[شهد الكلام]

شكرا على عدم الاهتمام

[الماضي]

بسم الله الرحمن الرحيم
السلام عليكم ورحمة الله وبركاته

السلام عليكم
ياشباب انتبهو من الشركه هذي تشتروا عن طريقها
لانهم ............
اول شي هذي ثالث مره تروح علي فلوسي عندهم ... وحاطين ارقام تواصل وفورم بريدي .. جلست ايام وانا اراسل واسألهم انهم يردوا علي مافيه فايده
وااقسم بالله وحده من الرسايل كتبت فيها ردو علي وانا مسامحكم بالفلوس اعتبرها صدقه ....... ولا حياة لمن تنادي

لا والمصيبه ان عندهم خدمات اخرى ...... مبيعات وادوات .. ... انا ناقص خساير .....
انتبهو ياشباب وحسبي الله ونعم الوكيل على الفلوس الي راحت ........ لو لني متصدق فيهم كان احسن


يااخوان انتبهو واتركوا كثر الكلام الطاوله فعلا ماتسوى هذه القيمه الي حاطتها ملاذ التميز ....... ولا غيرها من السلع لاتصدقوا ابدا

[ابراهيم سدير]

ياشباب الرجال عارض سلعه الي يبي يشتري يشتري
والي يعرف محل يبيع اقل من اسعر يقول

ربي يرزقه
والي خايف يروح مقر الموسسه ويستلم يد بيد

والله عجبتني



http://www.malath.net.sa/96365-1203509411.jpg

[الماضي]

ياناس تراها قطعة خشب والادهى انها صينيه ........ يعني الشراء منهم بالكيلو
القطعه طالعه عليهم صدقوني ماتتعدى 20 الى 30 ريال اذا مو اقل ...... والباقي يطلعوه على روسنا

وبعدين ليه اتعب نفسي واشتري من النت ...... اكثر من محلات الاكسسوارات مافيه
الله لايهين السياره

واخيرا ..... الواحد فينا يشتري لابتوب على شان يكسر روتين الجلسه الروتينيه الي تعودنا عليها وانتو جايين الان وتجيبولنا طاوله ؟؟؟؟


وليس اخرا ........ ماراح انسى موقف الشركه هذي معاي

[الماضي]

[quote=ابراهيم سدير;754426]ياشباب الرجال عارض سلعه الي يبي يشتري يشتري
والي يعرف محل يبيع اقل من اسعر يقول

ربي يرزقه
والي خايف يروح مقر الموسسه ويستلم يد بيد

والله عجبتني





الي اعجبك الرد .... مو السلعه

هذول ناس مدربين على الدعايه والاعلان ويصيدوك وانت تضحك

[مخاوي~~~السحاب]

الله يرزقك ياااااااااارب