يالمطعسين شوفوا وش قلت

[عبدالهادي المفرج التميمي]

السلام عليكم

ماودي اطول عليكم ياشباب الوقت الحالي لانكم مقبلين على اختبارات

طلعت لنا موضة التنطيل فوق الطعس وهي بحد ذاتها خطرة جدا اااااااااااااا

صح ان بعض الشباب مشاء الله عليهم موهوبين مثلي بالشروكي لكن لهم اخطاء واخطاء كثيرة

اول شي الجالسين فوق ممكن يتضررون

حتى بعضهم ترتفع كفراته حول مايقلب والله العالم لو تقلب وش بيصير حاله >>> وده يخووووفهم

وانا اقول الي يبي يشتهر ويظهر للناس ابداعه يورينا همته بتعديل مكينته والترهيمات

واتمنى انكم ترجعون بذاكراتكم قبل سنتين او اكثر اول ماظهر التطعيس

كان مافيه حوادث الاغصب عن السواق

مثل مشكلة بالفرامل او اي شي ناتج عن عطل وكان راعي المرهم يجهز موتره ويرقى فوق وينزل

و كانت الحكمة منهو اسرع واحد يرقى وهذا التحدي المطلوب واللي حنا نبيه يستمر

والسنه للاسف كثروا اللي يستعرضون بالتنطيل فوق الطعس ومنهم عثمان الطيار بغى يروح فيها كم مرة

واذكر قد انقلب وحالته حاله وتعفج موترة وطاح قلبه ببطنه

واتمنى انكم ماتفهموني غلط ولكن من باب النصيحة

يعني بالعربي ما نبي تنطيل فوق الطعوووووووووووس

مشكوووووووووورين



سلام

[الشيخ]

وانا اقول الي يبي يشتهر ويظهر للناس ابداعه يورينا همته بتعديل مكينته والترهيمات



ماعد قب ترهيمك لشيروكي شئ أبداً

خلينا الشروكي مركبة فضاء وخلينـــــــــــــــــــــــ---------------------------------------- وش بعد يابعدي


أخوك الشيخ

[منصور المناع]

خلاص توبه ماعدنيب منطل على الطعوس

وإن شفتني على طعس أنطل خذ موتري

الرب واحد والعمر واحد ( ( ياروح مابعدك روح ) )

جزاك الله خير أخوي هادي على النصيحه

وجعلها في موازين حسناتك يوم القيامه

وهذة الفايدة المطلوبه من المنتديات

[4×4]

نصيحة قيمة واسلوب يجذب ابشر لا تنطيل بعد اليوم وهذا وعد مني

[nahham]

ايه هين

بلاك والله ماتعرف

وين حاتم يعلمك الشغل

ااااااااااااااااااااااه لو اغير الهوندا

سلااااااااااااام

[محمد القحطاني]

بارك الله فيك اخي الكريم على هذه النصيحة

لك كل شكر وتقدير

[الغربي]

تعجبني لازم تجيب طاري الشروكي


بس ولا يهمك لاتنطيل بعد اليوووووووووووووم



اشكرك يالغالي
على الاسلوب الرائع
لاهنت يالذيب

[النمر]

الركاااااااااااااااده يا شباب .

لاكن لا مانع انك تكرش للموتر اذا شفت انك حول ما تغرز (( غرز صح والا لا تغرز )) >>>>>>> حلو هالشعار ..
لا أحد يتهور و يطب تغريز و هو عليمي ، خلك قد المسئوليه و تحمل النتائج .

مشكور اخوي هادي على اهتمامك بالمواضيع النافعه ..

[هاوي بر]

بعض الناس يبي الشهره مثل ما قال هادي


يرهم واخرتها تنفقع المكينه ويموت وش استفاد


اقول اخوي نهام خلك على الهوندا


ولا تغيرها احسلك

[عبدالهادي المفرج التميمي]

والله خرابيطي اعجبت الشبااااااااااااااااب

اجل ابشروا كل اسبوع موضوع


مشكوووووووووورين


سلام

[أبو ثابت]

أخوي هادي وانتم ش عليكم منهم لهم يوسعون صدورهم فوق هالطعوس ينطل ويفحط انت عارف ان الشباب عندهم طاقة زايدة عن اللزوم وحب الظهور بأي طريقة ولوكانت فيها خطورة بس مادامت الخطورة على أنفسهم مو على غيرهم مثل التفحيط فنقول لهم في قريح سووا اللي تبون ..

[حـاتـم]

هلا اخوي هادي

والله التنيطل فالطعوس على حسب الطعس

يعني اذا انت فطعس كبير ولا عليه زحمه نطل بيديك ورجليك

المشكله من الي ينطلون والطعس انواع السيارات تراقي

هاذا الي يزعجني

يعني تلقاء الطعس ملعوب فيه فوق تقول حفريات

ولو على الانقلاب

صحيح بس اذا جاك على سرعه أكيد بينقلب او وهو ناطل يرفع رجله يشيل الموتر أكيد

لكن الي متعلم ومتعود ماعليه أن شاء الله


والله يستر على شبابنا

وهاذي هديه للمطعسين


http://www.l22l.com/l22l-up-3/77c1db705d.jpg

وترى التطعيس فن وذوق

مب طفاقه منا والطريق




ومشكووووووورين

أخوكم / حاتم

[فتـى نجـد]

هادي

تسلم
وما قصرت
والله يعين المطعسين
على سياراتهم

[العليل]

اترك عنك بلا انقلاب بلا كلام فاضي
لو احد بيقلب كان ابوثابت في الزيليات
لعبنا فيها لعب
صورة حلووووووووووووووووووووووووه حاتم

[نجم تمير]

هادي

تسلم
وما قصرت
والله يعين المطعسين
على سياراتهم

[هيثم المحيلان]

أشكرك


وهذه الحقيقه
والله يستر على شباب المسلمين


شكراً

لك

[راعي ال 8100]

مشكور اخوي عالموضوع الرائع وفعلا عندك ناس تعرض ارواحها للخطر وهو مايعرف ان هالشي مو من صالحه .,.,.,.,.,.,.,

[عبدالهادي المفرج التميمي]

وش كثركم

مني يبي يرد على كل واحد بلحااااله

اقول مشكورين

وما قصرتوا لكن ولو التفحيط مهوب زين ولا كل مرة تبي تسلم الجره يا ابو ثابت



سلام

[أبو يوسف]

فعلا التنطيل خطير وانا اعرف واحد قلت سييارته بسبب التنطيل وتكسرت ضلوعه لكن الحمد لله سلم

نصيحة ا شباب ابعدوا عن الاخطار وعلى قولة المصريين : العمر ماهواش بعزأة


تحيتي

[عبدالهادي المفرج التميمي]

هلا وغلا ابو يووسف

ما قصرت ونصيحتك تبي من يصسمعها بس

مشكوووووووووووور






سلام

[ابوحمد تمير]

وش ها الخبره يا هادي في التطعيس !! شكل الدهناء تشتكي منك @ يعطيك العافيه @ ابوحمد @

[حمدان]

ارفق الله يصلحك ويخليك لعين ترجيك
لكن ماشاء الله سواااااااااااااااااااااااق

[الأعصـــــار]

أقول يابو حمد أستريح الله يعافيك
الي يسمعك الحين يقول هذا راعي تنطيل من جد ههههههههههههههههه
ياحليلك يابوحمد والله واحشني .... بالنسبه لتنطيل الله يكافينا الشر
مايصلح أبد ولاله طعم بس المشكله ماهو في التنطيل المشكله
في الي مطلعين نص أجسامهم برا الدريشه وهم يطعسووون
هذولا والله المهبل ...... أسف على الأطاله أتمنى لكم التوفيق

[الجارح 2000]

وعليكم السلام ورحمة الله وبركاته

الف شكر على هذا الموضوع

يعطيك الف عافيه

وماقصرت اخوي

ربي يجزاك كل خير

اخوك الجارح 2000

[الرحال]

شكرا اخوي على المعلومات ويعطيك العافيه وما قصرت

جزاك الله خير

[الجنوبي 2000]

شي ماريته حكه على الارض هههه

مشكور هادي