الطلعات بالصيف ... بين الايجاب والسلب

[مضيع]

السلام عليكم
اولا وقبل ما ابدا موضوعي تراني زعلان عليكم

وين المواضيع ولحماس نبي من كل واحد على الاقل موضوع واحد في اليوم

هذا ولا ، اما ثانيا فعندي موضوع حبيت اني اطرحه على حضراتكم الا وهو:

" البر بالصيف "

هل تنفع الطلعه للبر بالصيف ؟
وان كانت فمتى؟ واين ؟
وما هو وقت " الذروه " في رأيك ؟

[منصور المناع]

مأحلى طلعات الصيف في الليالي الباردة

وخاصه بعد صلاة العشاء وعلى طعوس الرمل

وماتحلى القعدة إلى بعد منتصف الليل إذا بردت الأرض وتلطف الجو

[عبدالهادي المفرج التميمي]

هل تنفع الطلعه للبر بالصيف ؟

اجل ما تنفع الا في الشتااااااااااا

وان كانت فمتى؟ واين ؟

من مسيااااان الين عقب العشا ثم حط راسك وارقد وحلاوتها في الصياهد والمحلات المرتفعه تكون ابرد

وما هو وقت " الذروه " في رأيك ؟

مالها وقت ذروووووه لانها تعتمد على من انت كاشت معه

مشكوووووووووور




سلام

[الشيخ]

شف طلعات الصيف زينه اذا هي بالليل لكن بالنهار حر وكتمه

واحلى ليالي الصيف اذا صارت قمرا




اخوك الشيخ

[ضحوي]

هل تنفع الطلعه للبر بالصيف ؟
تو ماتحلى الطلعات بالصيف

وان كانت فمتى؟ واين ؟
ان قلت في النهار فعندك الشعبان تحت الطلح وحلاته وقت عصير
وبالليل على الطعوس من المسيان لين تالي الليل

وما هو وقت " الذروه " في رأيك ؟
الذروة ليلة العطل وخاصة اذا كانت قماري تو ما تزين الجلسه

[عبد الله الحقيل]

هل تنفع الطلعه للبر بالصيف ؟

اجل ما تنفع الا في الشتااااااااااا

وان كانت فمتى؟ واين ؟

من مسيااااان الين عقب العشا ثم حط راسك وارقد وحلاوتها في الصياهد والمحلات المرتفعه تكون ابرد

وما هو وقت " الذروه " في رأيك ؟

مالها وقت ذروووووه لانها تعتمد على من انت كاشت معه










نفس كلام أخوي هادي

ومشكوووور على الموضوع الشيق .........................................

[هاوي بر]

انا ايد كلام اتيكا


ـــــــــــــــــــــــــــــــــــــــــــــ ـ

[nahham]

من قدديم والشاعر يقول

الا ياصبا نجد متى هجت من نجد .......................لقد زادني مسراك وجدا على وجد

رائع جدا جو نجد في ليالي الصيف الرائعه

لكن النهار ارقد تحت المكيف

وسلامتكم

[النمر]

اذا تبي رئيي ..

طلعات البر في الليل و في الصيف ممتازه ، و خصوصاَ اذا طلعت مع غروب الشمس و بديت طلعتك بدله و ابريق شاهي كايف ينسيك الهم (( طبعاَ احرص في طلعات الصيف على الأماكن المرتفعه مثل الطعوس ، والا الهضاب المرتفعه )) و تمسها تكيه الى آخر الليل و اذا حصل لك نووووومه الى طلوع الشمس فهذا شيء طيب حسب قربك او بعدك من الديره ..

أما اذا كنت طالع للصيد في النهار (( طبعاَ لكل فصل نوع صيد مختلف )) و فصل الصيف لا يخلو من الصيد ، فإذا اضطررت للجلوس نهاراَ فعليك بالطلاح الوارفة الظلال واذا حصل لك كبري شعيب فأيضاَ هذا شيء زين ...

مشكوووووووووور على هذا الموضوع الرائع و المفيد ..

[أبو داحم]

أنا رايي من راي أخوي النمر وخصوصاُ كبري شعيب والله ياله طعم ثاني وخصوصاُ المقيال فية

[أبو ثابت]

بصراحة تو ماتحلى هيت في النهار والزوليات في اليل (( يلمح لنهام )) ..؟؟


بصراحة
|أنا ماني قايلك رايي أي شي أحلى وأحسن ... لأني أعشق الطلعات في الصيف وغالبا أطلع من الفجر وما أرجع الا اليوم الثاني َ(( وأحلى مافي الطلعة في الصيف كثرة التنقل )) يعني الصبحية الين الظهريه صيد ووناسة والظهر ندور ظل والا طلح في أحد الشعبان وغدا وقيلولة واليل فوق الطعوس وأحلى نومة ؟؟؟


آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآه قلبت المواجع الخميس الجاي أحد بيخاويني ؟؟؟!!
تراي جاد .. اللي عنده اختبارات مثل نهام خله يدرس ؟؟!! خخخخخخخخخخخ

[معدي المرقاب]

(طلعات البر في الليل و في الصيف ممتازه ، و خصوصاَ اذا طلعت مع غروب الشمس و بديت طلعتك بدله و ابريق شاهي كايف ينسيك الهم (( طبعاَ احرص في طلعات الصيف على الأماكن المرتفعه مثل الطعوس ، والا الهضاب المرتفعه )) و تمسها تكيه الى آخر الليل و اذا حصل لك نووووومه الى طلوع الشمس فهذا شيء طيب حسب قربك او بعدك من الديره )

نفس كلام اخوي النمر الله يعطيه العافيه

مشكور
__________________________________________________ ____________________________

[العليل]

اوووووووووووووووووووووووووووووووووووه
ياحلو الطلعات في ليالي الصيف

[هيثم المحيلان]

الطلعه بالصيف ما تصلح إلا باليل

بس والأخوان ماقصروا قالو اللي عندهم

وحياك

[محمد القحطاني]

بارك الله فيك اخي الكريم

مشاركة متميزة كالعادة دائما

لك كل شكر وتقدير

[مطوع]

طلعات الصيف في الليل حلوه وايد بس عاد انا اخاف من العقرب
الله يستر

[عزيز]

الشتا شيء حلو لكن ان كنت في نجد مايضر حتى الليل روعه

[سلوم]

طلعات الصيف ما تحلا الا بالليل اما بالنهار حر وسموم

شكرا لعى هذا الموضوع

[4×4]

حلاوة الصيف في الليل من مسيان

ولكن الخوف من النوامس

ولكن حلها حط لك مكان مرتفع عن الارض وخذ راحتك

[الغيث]

طلعات البر في الصيف جميلة ولكن في النهار حر وما تحلا الا بعد المغرب يبرد الجو

وافضلها من يطلع المرزم خلاص من بعد العصر تصير ممتازة

شكرا على معلوماتك

[راعي الذود]

طلعات الصيف اجمل من الشتاء لان احلى جو هو جو الليل وفيه السكون والهدوء

لكن الشتاء يحلا البر مع الربيع والامطار والخيرات

[شباب الضو]

ياناااااااااااس غير طلعات الصيف في الليل وخصوصا ايام القمرا

والشتاء ليله ما له ذوق برد ومهب شمالي

[مضيع]

شكرا للجميع
الله يعطيكم الف عافية
اخواني على مروركم وردودكم
وهذا اقل شيء اقدمه لكم
ولمنتدى البراري

بالتوفيق ان شاء الله

[ولد سدير]

طلعات الصيف زينه بس اهم شي يكون المكان تاخذ فيه راحتك

شكرا اخوي

[نسيم]

والله واحلو الليل وزانت الطلعات الليليه