المساعد الشخصي الرقمي

مشاهدة النسخة كاملة : كيف تعرف الجهات في البر عن طريق الراديو (جديده)أدخل لتعرف


هيثم المحيلان
2006-05-11, 08:44 PM
السلام عليكم
الحمد لله والصلاة والسلام على رسول الله
الى اهل المنتدى الرائع اعضاء ومشرفين وزوار
الموقرين طريقة معرفة الاتجاهات وانت في البر ولا يوجد معك
لا بوصلة ولا جارمن و وما قدرت تشوف السبع (ونجم الجدي ).....اما لضباب
او قد لايعرفها البعض

المهم اليك الطريقة
وكان معك جهاز راديو (من ام مكرة تسحبها ) ما عليك سوا انك ترفع الانتل وتقلب الجهاز وحطه مثلا فوق راسك وحطه على اذاعه تبعد عن مصدرك مثلا اذاعة الكويت (mw 1134)
او اذاعة الاردن (sw1 6.1)

وتاخذ بالجهاز دورة 360درجة فعندما تصفو الموجه مرة ثم يتحول الى صوت قوي وقف وهذا اتجاه مكان الاذاعة وتعرف مثلا اتجاه الكويت او الاردن(وافضل ان تحطه على الاردن نظرا لبعدها وانها بالشمال تقريبا اما الكويت الشمال الشرقي فيمكن يلخبط الواحد......

ارجو من الجميع تطبيقها واعلامنا بذلك

وكذالك ان من هذه النتيجه عرفت الأتي :

اذا انت واخوياك ضعتو في البر كل واحد في جهه وتبغون ترجعون وسمعه في الكنود او الايكم بس ماتعرف الجهه اللي هو فيها

قل لخويك اوقف وانت خذ الانتل وامسكه بيده ودر بالسياره في الدور هذي

شف الابراج اللي في الكنود وهو يتكلم متى ترتفع وتنخفض فهو في الجهه اللي يرتفع الارسال فيها

والطريقه الاحلى انكم تخلون واحد منكم يدور على الانتل وبكذا تعرفون الجهه وادق في الجهه

وطبعا تروحون له وتبي تزيد الابراج كل ماتقربون من الرجال وهكذا

مرافق النشاما
2006-05-11, 09:17 PM
يااااااسلااااام عليك والله

اخوي القصيم الرس

والله انهااا فكره

جهنميه

ربي يسلمك ويخليك لناااا

مشكووور وما قصرت

ريف النشامااااااا

عبدالهادي المفرج التميمي
2006-05-11, 10:48 PM
وش هالافكااااااااااااااااار

ابجرررررب واعلمك بالنتيجه باااكر

والله اذا ضبطت فابشر بالعلم الطيب

مشكووووووووووووووووووور




سلام

هيثم المحيلان
2006-05-12, 01:23 AM
ريف النشاما
مشرف قسم أدوات الرحلات




تاريخ الانضمام: Jan 2006
المشاركات: 977


هلا وغلا
وما قصرت يالذيب
وما قمنا إلى بالواجب
والحمد لله

هيثم المحيلان
2006-05-12, 01:27 AM
هادي
كشات محترف




تاريخ الانضمام: Mar 2006
محل السكن: تمير عساها السيل
المشاركات: 653


حياك الله
وما قصرت
وما عليك بس جرب عشان تبرد
كبدك

منصور المناع
2006-05-12, 10:21 AM
فكرة قيمه أخوي القصيم-الرس

ونبي نحاول نجربها

بس معد أهنا أحد يشيل معه رادو

تنفع على رادوا السيارة ؟

هيثم المحيلان
2006-05-12, 12:31 PM
اتيكا
نائب المشرف العام


تاريخ الانضمام: Jan 2006
محل السكن: تمـير
المشاركات: 988


حياك الله
اللي معه ددسن موديل
3 أو 4
يعني مافيها مسجل
يأخذ معه مسجل
أما عن طريق رادو
السياره
الصراحه ما جربت
لكن أتوقع
السيارات اللي أنتل الرادو
فيها مايل يعني فوق مهب بالكبوت
ويجيك مايل يمكن تجي فيه
وأنا تراني ماجربتها

وعلى فكره ترى بعض
الرادوات حقت السيارة ما يجي فيها
موجت mw ولا موجت sw
وتكون مجوجتين
وهذي الظاهر ماتنفع

ضحوي
2006-05-12, 12:55 PM
دائما تأتي بأفكار جديدة وممتازه
شكرا اخوي القصيم-الرس

هيثم المحيلان
2006-05-12, 01:41 PM
ضحوي
كشات ما ينخاف عليه


تاريخ الانضمام: Mar 2006
محل السكن: Alzulfi
المشاركات: 185

حياك الله
ومشكور على ردك الرائع

معدي المرقاب
2006-05-13, 12:06 AM
اخوب القصيم-الرس

شكرا لك على هذه المعلومه المفبده

هيثم المحيلان
2006-05-13, 01:26 AM
معدي المرقاب
كشات متميز


تاريخ الانضمام: Mar 2006
المشاركات: 227


حياك الله وهذا واجبي

محمد القحطاني
2006-05-13, 09:37 PM
انا كنت اعلم بطرق اخرى ولكن مثل هذه الطريقة لم اسمع بها

فكرة متميزة بارك الله فيك

لك كل شكر وتقدير

هاوي الخرج
2006-05-13, 10:22 PM
مشكور أخوي على الفكرة الحلوة والله أول مرة أسمع بهذي الفكرة
ولكن أنشاء الله أني بجربها

هيثم المحيلان
2006-05-13, 11:01 PM
البري
مشرف قسم ابتكارات وصور


تاريخ الانضمام: Jan 2006
المشاركات: 516


حياك الله
وياليت تعلمنا بالطريقه الآخرى

هيثم المحيلان
2006-05-13, 11:01 PM
هاوي الخرج
كشات جديد


تاريخ الانضمام: May 2006
المشاركات: 1


حياك الله
ويسرني مشاركتك وهي الأولى

الشيخ
2006-05-14, 07:44 AM
اخوي القصيم الرس والله انهااا فكره ومهارة برية جديده كليا




اخوك الشيخ

هيثم المحيلان
2006-05-14, 02:28 PM
الشيخ
كشات متصرف


تاريخ الانضمام: Feb 2006
المشاركات: 133

حياك الله
ويسرني مرورك

هاوي بر
2006-05-15, 09:37 PM
وعليكم السلام ورحمة الله وبركاته


فكرة قيمه أخوي القصيم-الرس


الله يعطيك العافيه

مشكووور

هيثم المحيلان
2006-05-15, 09:46 PM
هاوي بر
مشرف قسم الترحيب بالاعضاء الجدد


تاريخ الانضمام: Apr 2006
محل السكن: ســــوق الاســــــــــــهم
المشاركات: 384


حياك الله

وما قصرت

الصلبوخي
2006-05-16, 06:01 AM
وعليكم اليلام ورحمة الله وبركاته

الله يجزاك خير اخي القصيم الرس على هذه المعلومة

ومشكور وماقصرت

هيثم المحيلان
2006-05-16, 01:53 PM
الصلبوخي
مشرف قسم الاستراحه


تاريخ الانضمام: Apr 2006
محل السكن: الرياض
المشاركات: 518

هلا والله بالخدمه يابعدهم

أبو ثابت
2006-05-22, 10:07 PM
أخوي القصيم الرس ايش التقنية الي قاعد أشوف ماشاء الله عليك .. بصراحة مبدع ووميز ... تسلم والله يالغالي ..وانشاء الله نجربها قريبا ونرد لك خبر .

هيثم المحيلان
2006-06-07, 09:11 AM
أبو ثابت
عضو مميز جدا


تاريخ الانضمام: Feb 2006
المشاركات: 466


حياك الله وهذا واجبي خدمتكم

nahham
2006-06-11, 09:52 AM
اخوي القصيم - الرس

يعطيك الف عافيه

تسلم

هيثم المحيلان
2006-06-11, 01:56 PM
nahham
المشرف العام


تاريخ الانضمام: Feb 2006
المشاركات: 2,779

حياك الله



تسلم ولا يسلم ردي العزايم

أبو يوسف
2006-06-13, 12:15 PM
فكرة رائعة ومهمة الله يجزاك خير

مشكور وتقبل تحيتي

دله وفنجال
2006-06-13, 02:22 PM
السلام عليكم...
مشكور يالرساوي على المعلومة وماقصرة...

هيثم المحيلان
2006-06-13, 03:20 PM
أبو يوسف
كشات جديد


تاريخ الانضمام: Jun 2006
المشاركات: 14

حياك الله
وشكرا على المرور والتعليق

هيثم المحيلان
2006-06-13, 03:20 PM
دله وفنجال
كشات جديد


تاريخ الانضمام: Jun 2006
المشاركات: 5


حياك الله يالغالي
ومع ألف تحيه
تشكراتي