الكسرة و بحور الشعر .. شعراء البراري

[بقآيآ .. حرف]

همس الشعر ما عليه خلاف
به مشرفينه مكفيني
والشعر يوم السنين عجاف
ماهو مثل وقتنا الحيني

[عابر سبيل]

كفؤ يابوخالد راايتك بيضاء والله يبيض وجهك ،،،،

[سحاب سدير]

صار كلن في زمنا يقيس القاف
وينظم بحور الشعر والهجيني
ويصدح بالشيلة واتسبدي ماعليها خلاف
ويقول انا شاعر وبمزايين الملاييني

[حالة جوية]

شاعر وحسي من تجاريب الآيام @ مغمور بس أملك من الفكر تقييم
ما اصوغ جزلاتي على طيف الآحلام @ وما اقول شعر ٍ فيه خله وتثليم

[أبو سيرين]

من يملك الشعر امتلك في ايده حسام
يخوض فيه البحر ... ويحارب الضيم

ما ينفعه .. لو كان يبحث عن .. وسام
ويدفن مع اللي نال من قبل ..تضخيم

[حالة جوية]

الطيب يفرض نفسه ودوم قدام
راعيه ما يحتاج بالشعر تفخيم
واثق ولا يغريه تمديح الآقلام
بعض الثناء في حضرة الشخص تقزيم !

[أبو سيرين]

الطيب قول وفعل لو تمضي أعوام
يبان فيه الطيب من دون ... ترهيم

ومن صابه الإعجاب يكتب بمرسام
في صفحة الأيام ونقول .. اف قيم

[حالة جوية]

لا صار ما للقاف ميــــدان وخطام
تجي حروفه في سطوره معاتيم

ما ينحفظ لو ردده شاعره عـــــام
ما للذهيبه في هملها تواسيـــــم

[شطر]

يابارقن من رعوده قمت
وريح المطر هب من يمه
من عقب غيثك ترى مانمت
عاشق ودمعه على كمه


شطر

[حالة جوية]

يا طير آنا في سبوقك حمت
أدفع هوى الشـــوق وآلمـــــــه

كم مرة ٍ لاجل وجدي هــــــمت
قطفت ورده من الـــقــــــــمــــه