,,,,,,, بيتين شعر من نضمك (( مجاراة )) ,,,,,,,

[عبدالمحسن الرحمه]

رعد الشمال الله يجازيك بالخير
ثبت موضوعك و قفيت عنا
نبغى علومك يا عريب المناعير
يكفينا غانم جور فقده كونا

[أبو سيرين]

شوفوه يالـربـع وشفو جـرة السير
لا يكون مخطوف أو مريض ويونا

أوصافـه دقـيق ومـربـوع وسـمـير
والله يـرجــعــه بسـلامـة .. لـوطنا

............
..........

[راع العرض]

في السوق صادفت غرون رزته رزه
خلا عيوني من اللي شفت تشرح له
ربي مجملك مايحتاج يا مزه
وشهوله الروج والمكياج والكحله

[عبدالمحسن الرحمه]

أظن روحك من اللي شفت منهزه
واشواق قلبك معاها دوم مرتحله
ياراعي العرض غصن الحب لاتهزه
خلك على حالتك لياك تفرح له

[الركام]

لا تخلـونا بعـد عيد الضحـية
السـفر والـبر لـه حــق علـيـنا
للجميع نقول شكر والتحية
ونطلب المولى يسهل مانوينا

[راع العرض]

ابسج النفس في نجد العذيه
كلما قالو لي اجازه مشينا
مالنا في غيرها روحه وجيه
الا لأجل الزين كم رحنا وجينا

[رعد الشمال]

الله يعطيكم العافية وشكرا لكم على السؤال وصحت السنتكم جميع

كنت مسافر واليوم الصباح وصلت ولله الحمد

لي عووووووووده

[رعد الشمال]

الضحية وانتهى عـــــيد الضحية
والـــدوام أقـــــــبل بتوقيعه علينا

وذعــــذع الذعـذاع خل النار حيه
والوسـم قامـــت مـــــواريّه تبينا

[حالة جوية]

يا سلام الله على البارق وضيه
والسحاب الغر لا هل الغشينا

يالله وسوم المراهيش الرويه
والربيع اللي يقولونه سنينا

[رعد الشمال]

الركام

لا تخلـونا بعــــد عيد الضحـية
السـفر والـبر لـه حــق علـيـنا

للجميع نقول شـــــكر والتحية
ونطلب المولى يسـهل مانوينا

راع العرض

ابسج النفس فــــي نجد العذيه
كلما قالــو لـــــي اجازه مشينا

مالنا فـــي غيرها روحه وجيه
الا لأجــل الزين كم رحنا وجينا

رعد الشمال

الضحية وانتهى عـــــيد الضحية
والـــدوام أقـــــــبل بتوقيعه علينا

وذعــــذع الذعـذاع خل النار حيه
والوسـم قامـــت مـــــواريّه تبينا

حالة جوية

يا سلام الله على البارق وضيه
والسحاب الـــغر لا هل الغشينا

يالله وسوم المراهيش الرويه
والربيع اللي يقولـــونه سنينا

صحت السنتكم جميع
في انتظار ابيات جديده