متابعة الطقس من 26 - 29/ 7 /1430هـ الموافق 19 - 22 /7 /2009م ‏

[ولد حريملاء]

المشاركة الأصلية كتبت بواسطة ثرثار الأمطار

سحاب متوسط جنوب الرياض ولو إني ماشفت الرآدار تو كآآن قلت خيال ومسدي بعد << الله يعز الرآدار وصور الأقمار :biggrin:

السلام عليكم ورحمه الله وبركاته

صباح الخير للجميع .. الله يسعدكم دنيا واخره


ثرثار الأمطار .. انت تقوله .. بغيت اشغل الرادو انا هههه

حقيقه تذكرت سحابه الخرج العام الماضي بس منظر السحاب شي مو طبيعي

صدقني بعض صور الاقمار ماتجيب الواقع:detective2:

[ولد حريملاء]

يسلم عليكم ابو محمد خالد العوض

اكلمه امس اقوله ودي اخذ رايه بموضوع لي يومين افكر فيه خاص بكسوف الشمس على الصين وشرق اسيا والهند

هل للكسوف دور في الطقس من خلال حجب اشعتها وبروده الاجواء والتاثير على الضغط الجوي

قال سبقتك من اكثر من سنه تابعت كسوف على ليبيا اظاهر او افريقيا نسيت وش قال

لكن يقول راقبت الوضع على الخرائط مباشره وحركت صور الاقمار وشاهدت الضغط الجوي في حينه الا انني لم اكتشف اي تغيير

قلت له طيب درجات الحرارة قال ما اهتميت لها لكن الضغط والسحب لم تتغير في ظاهرة الكسوف والله اعلم

ايضا اكد على نقطه ان الظاهره ليست الا دقائق بإذن الله .. ولم يرجع لاي شي من اقول العلماء لكن لايمنع البحث هو اجتهاد شخصي منه

اقنعني .. بارك الله فيه

[عاشق القصيم]

السلام عليكم
كيف حالكم شباب ؟
ولد حريملاء كيف حالك عساك بخير
الحمدلله
اجواء الرياض لاتوصف من الحرارة وصفاء الجو

[ولد حريملاء]

وعليكم السلام ورحمه الله وبركاته

حياك الله ياراعي القصيم ... كيفك وكيف الطقس معاك

[عاشق القصيم]

المشاركة الأصلية كتبت بواسطة ولد حريملاء

وعليكم السلام ورحمه الله وبركاته

حياك الله ياراعي القصيم ... كيفك وكيف الطقس معاك

تمام الحمدلله
انت دائما مشاركاتك تعجبني كثييييييييييييييييييييييييييييييييييييييييير مرة مرة مرة مرة مرة
ولازم لا دخلت دخل ثرثار
وآسف اني طلعت عن موضوع الطقس
ساااااااااااامحوني تكفوووون

[نصار]

توقعاتك على الطائف يا مراسل الطائف ؟؟:70:

[مراسل الطائف]

المشاركة الأصلية كتبت بواسطة نصار

توقعاتك على الطائف يا مراسل الطائف ؟؟:70:

تظهر بعض السحب المنخفضه على أجزاء من جنوب الطائف
وموسم الأمطار في أغسطس إن شاء الله :32:

[ولد حريملاء]

المشاركة الأصلية كتبت بواسطة عاشق القصيم

تمام الحمدلله
انت دائما مشاركاتك تعجبني كثييييييييييييييييييييييييييييييييييييييييير مرة مرة مرة مرة مرة
ولازم لا دخلت دخل ثرثار
وآسف اني طلعت عن موضوع الطقس
ساااااااااااامحوني تكفوووون

حياك اخي شكرا لك .. فيه ناس اعلم مني ولهم باع طويل وهم كثر في المنتدى الله يوفقهم اجمعين واياك ومن يسمع ويقرا

وخل الطقس مثل الاسهم يقول المثل لا تضع البيض في سله واحده :msn-wink:ههههه

حقيقه هنا اخوان مبحرون كثيرا بس تعرف وقت صيف وعطله والناس رايحه لكن شوي وتشوف المنتدى يلعلع من الخبراء بارك الله فيهم

[تركي السلمي]

اللهم اغيثنا

الصراحة وان شاء الله الاخوان مايزعلون مني الكل اصبح خبير بالطقس انا ايام وافتتح منتدى خاص بتوقعات الطقس ههههههههههههه<====== يمزح قسم


والله اني من المتابعين للمنتدى من زمان ورغم اقدمية عضويتي إلا اني مقلل في المشاركات

والخير في الاخوان جميعا بالمنتدى وانا الصراحة ما اتحزم واعتمد ع مواقع الطقس كثير

وأتمنى من الأخوان مثل ولد حريملاء والأخ خالد العوض يفيدوننا ليش بعض الشيبان

هداهم الله مصممين يربطون النجوم والأنواء بالمطر والطقس رغم معرفتهم بعدم جواز هذا الامر لان فيه شايب عندنا بالديرة اياني واياك تعارض كلامه اللي يقوله لاسيما عن نجم(سهيل) والجوزاء ومدري .......الخ


اعذروني ترى توي جاي من قصر افراح ومطفي النور هع هع



صباح الخير وتغريد الطير للجميع


خروج

[وسم 1418]

الذين يشاهدون محتوى الموضوع الآن : 15 ( الأعضاء 3 والزوار 12)
‏وسم 1418+, ‏البرق الساطع, ‏عاشق المطر
ماهي اخر الاخبار