|| هِنآ لـ آلحگيٌ لمسة إحساس / هِنآ لـ آلصدر [ تنهيدَه]

[شطر]

‏ودي أصبّح مثل خلق الله و أنام مبكر
مير عيني ماهقيت إن السهر يعتقها
ٰ
كـل ماناموا عباد الله قمت ؟ أفكر
لين ماتشرق عليّ الشمس من مشرقها

[شطر]

‏الموادع ( مواجع ) ، والصبر منهجي
والمسافه ( حسافه ) والحزن يقتلك !
/
أدري إنك محال ، ومستحيل بـ تجي
بس ياخي شسوي والله اشتقت لك !

[تناهيد]

ياسحاب الحزن ارويت الخفوق
شوف وديان المواجع ..سايله

ارحم المجرووح من لمع البروق
ما وراها إلا .. الحظوظ المايله !

[تناهيد]

صكيت بيبان الغلا وانفتـح بـاب
عن جملة البيبان مأحتلـت أصكه

دخل على روحي معه نفحة أطياب
وسحـرٍ أسرنـي غصـب مامنه فكه

[شطر]

‏ما عاد باقي لـ الأيام الجميله مكان
في واقعٍ ما ترك لـ النفس لحظة صفا
'
أقصى الأماني ألاّ ليته يعود الزمان
وأدناتها ما يرد الوصل عقب الجفا

[تناهيد]

أحاول أطوي صفحتك وأملّ
وأرجع أفتش في "تفاصيلك"

كيف أبتعد عنّك وأنا ما أدلّ !!
إلا .. الدروب اللّي تودي " لك "

[تناهيد]

الضيق زايل وأعـذب الحب .. يبقى
والجرح احبه منك من كثر مَـغليك !
.
واللي غرس حبّك بقلبي .. بتبقىٰ:
غالي.. ولو قصّرت في حق مِغليك !

[تناهيد]

من يعشق الأطلال دمعه يخونه
لا صارت أقدامه على سكة الدار

عش الحمام اللي بعالي ركونه
رمزالوفاء رمزالمحبة والإصرار

[شطر]

‏يا عيون الحزين اللي مضا له شهر /
بين هم الغياب وبين طول الطريق

يدفع القلب هاجوسه لشوقه مهر /
ويتحاشا همومً للسهر تستسيق

[تناهيد]

أبتديتك شوق وإحساس و ورق
من حدود العشق لحدود الوفا

وانتهيتك ! دمع و طعون و أرق !
من حدود الهم لـ حدود الجفا