بالصور اكبر بحيرة قريبة للرياض وماتزال تمشي بقوة وتستاهل شوفتها

[الإستراتيجي]

أخوي البحيرة إلي تتكلم عنها هي نهاية شعيب الشمس والشميسة


شكرا لك على تقريرك


طبعا من الرياض تتجه طريق مكة السريع أول ما تنزل من (( القدية الزدية الجدية)) تمشي 5 كم وبعدها تفرق طريق ضرماء مرات ثرمداء شقراء

ومن طريق ضرماء مرات تتجه 60حدود كم حتى طريق البيب .

تنزل التحويلة بعدها مباشرة ترقى على طول ممكن 10 متر بسبب خطوط البيب التي رفض العمل عليها تجد طريق كله تريلات يسار به لوحة أخونا تمشى من 20 أو 26 كم من الطريق ويوجد بها تحويلات ومنها واحدة من عند جبل مرتفعه

راح تحصل المكان المذكور إن شاء الله .

[أبوالحارث]

تسلم أخي علي ، وتلقى الحور قزازة، وأبشر بالربيع الطيب في الحور باذن الله.

[بن سعيّد]

الله يجزاك خير ويرحم والدينا ووالديك

بس لي ملاحظه : يقولون في اللوحة شركة كهرباء ضرماء ؟

انا اعرفها وحدة كهرباء ضرماء أو فرع كهرباء ضرماء

[الوذيناني]

الله يعطيك العافيه

[سنافي زمانه]

ماشاء الله .. بارك الله فيك
هذي شكله بتطلع بإذن الله جنننننه .. بس الله يديم نعمة المطر ولا يقطعه

[بقآيآ .. حرف]

الله يعطيك العافيه

[الوااا(بالله)اااثق]

الحمد لله على الخيرات
مبارك عليكم الأمطار والعقبى لكل مناطق المملكة بإذن الله
بارك الله فيك على المناظر الرائعة
والحمد لله أن هجهجتك ما راحت ببلاش بيض الله وجهك لا عدمناك

[ابو ولايف]

كل الشكر اخوي
فعلا مناضر رائعه وتستحق المشاهده

[ابو نايف التميمي]

الله يعطيك العافيه اخوي علي وفعلا بحيرة رائعه وهي روضة القرعاء

وهذا موضوعي فيه لمحة عنها

امـــطــــــار الاســــــــبوع المــــــاضـــــي..4 ايــــام جــميـــلـــة

[برق العارض]

الله عليك يابومنيره ذكرتني بايام زمان كانت هذيك مناطقنا المفضله وكان حلالنا حولها وبصراحه المناطق اللي بين ضرماء ومرات خصوصا اللي يسار الطريق لها عندي منزله بقلبي لأنا من عدة سنوات نتجول فيها بالحلال واغلب اوقاتي خاصة وقت الامطار عشتها فيها ومثل ماقال الاستراتيجي هذي نهاية سيول الشمس والشميسه والفيضه على يسارك واول كانت منطقه شبه نائيه قليل تلقى فيها متنزهين غير الباديه اهل الحلال والشعيب الي جنب محطة الضخ هذي الاصيقعات واللي بعد المحطه ب1كيلو هذا الودي تقرير موفق بس لو كثرت الصور يكون افضل شكرا لك