يقولون لي فيها كرونا وأقول منين ؟
وهي عافيه من خفها لين ذروتها
ذكرها عزيز الملك بالغاشيه مابين
جلالة مكانتها وتعظيم خلقتها
فلا تحاربون البل وهي بالزمان الشين
عليها ومنها الناس كانت معيشتها
ولكم عبرةٍ في قوم صالح ليوم الدين
تجنّوا على الناقه ونالوا عقوبتها
ومن يتهم البل بالكرونا بلا تضمين
أدلّه / فله منّا اليقين بسلامتها
عطايا الله اللي دام حنّا من الحيين
بنشرب لبنها ونتفاخر بسيرتها
وناكل لحمها ونطعم الجار والمسكين
ونكرم عزيزين القدر من كرامتها
من اول تروح أعمار من دونها والحين
تروّح عزيزات الملايين فدوتها
ومن لاجنا له ذود غادي من الغادين
حرم نفسه بدنياه لذة سعادتها
إليا لاح برق وركّب الوسم سحبه لين
تربّع مفاليها ونمشي برغبتها
حلو لا تحيزمنا مع شفها محيلين
وعلى يمّة أذكار العواسيس يمّتها
نطب الديار القفر قدام راعي الضين
يغثرب مفاليها بنسمها وجرتها
وياحلو الممارى بيننا بالصلاح الزين
لاشفت البكر ترضع وتملا غضارتها
وعلى طبعها واليا احتمت نزعل الراضين
وعلى زينها جمع النشاما بمسيرتها
بنبطي نحب البل وبنورّث التالين
ومن جيل يتبع جيل نرّث محبّتها
2015-09-21, 11:08 PM
العرض العادي
