أبيــات يتيـمه ومشـاعـــر لم تكـتمـل ...!! ( دعـوه للجميـع )

[رذاذ]

المشاركة الأصلية كتبت بواسطة اربعة قروش

لبيه ياللي غلاها داخل عروقي
يمشي مع الدم ساكن داخل اعماقي
لو بيت شعري يترجم شي عن شوقي
قصايد الكون ماتستوفي اشواقي

اربعة قروش

أبيـات باذخة الجمـال .. ساحره جداً .. وحضور غني بالجزاله ..
أسعدني حضـورك القوي .. وكُلّي شوق لإنضمامك إلى قافلة الشعراء ..
فقط إستمر فنحن نطمح بالمزيد من إنسكاب حرفـك العـذب ..

أربعة قروش
طاب حضورك وإحساسك وحرفك ..

رذاذ

[شطر]

شكرا اختي رذاذ على الاطراء الذي لا استحقه
بالتوفيق للجميع

[شطر]

ياكامل الزين ليه تزود فتوقي
عذبتني في بهاك وذوقك الراقي
ماتدري ان الدموع تهل من موقي
ماغير ربي وقاني والله الواقي

اربعة قروش

شكلها بتجي قصيده ههههه

[شطر]

البارحه جيت شفقان لمداهيلي
في راس ضلع طويل نايف عالي
وشبيت نار القصايد تالية ليلي
واجر الالحان وارفع صوت موالي
قدوعي الشوق والفرقى فناجيلي
وهجوس فكري تجيني بالخلا الخالي

اربعة قروش

[شطر]

أخذت لين الفجر مركب معاميلي
ماغير انا مع هجوسي جالس لحالي
أسج عن ماجمعته من محاصيلي
واقول للنفس فال الله ولا فالي
ياويل حالي من الهجران ياويلي
اظن موتي بعد فرقاه اشوالي

اربعة قروش

[رذاذ]

أبيات جميله جداً ..
صح لسانك 4 قروش على هذا الإبداع ..
وننتظر منك المزيد والمزيد ..

تحياتي لك ..

رذاذ

[شطر]

من ذوقك اخت رذاذ
اشكرك على التحفيز

[الركام]

الله يحييك جبت البن والهيلي
القسم شفق وطاب الشعر من تالي
زاد الطرب به ونسمع له مواويلي
دامك تعليت فجلس مجلس عالي
شعرك طرب من قراه يعيد ويهلي
مافرق الناس غير البعد يالغالي

[شطر]

شكرا اخي الركام على الترحيب الجميل

[شطر]

اشتقت لك ... لو هي كتابه بالاوراق
يشعر بها اللي طعم الاشواق ذاقه
اشتقت لك ... شوق لجا وسط الاعماق
لجلج خفوقي لين فجه وعاقه
اشتقت لك ... وانا على نار الاشواق
صابر وغيري بارد المي ذاقه
اشتقت لك ... ودموع الاعيان تنساق
تساكبت واروت من يديك باقه

اربعة قروش