دكة الشيبان

[الركام]

صح لسانك ياابن حماد اجدت وافدت
لا يطول عياااابك

[ابن حماد]

صلوا على المختار سيد البرايا
واجب عليكم عند ذكره تصلون

شفيعنا .. يوم .. الخلايق عرايا
يوم الصغار امن الهوايل يشيبون

[الركام]

امركـم ياهـل الشعر كـل حـزات
ومتـعـود ماشـوف شي جـديدي

وامركم في العيد واقول هيهات
عصر مضى يرجع ولو هو بعيدي

واللي مضى لو هو بعيد وقد فات
مانـيـب ميس مـنـه انـه يعـيـدي

[ابن حماد]

المصطفى الموهوب خير المزايا
افضل بشر وعظم بشر مر بالكون

أبصر به المولى قلوب عمايا
من بعد ما هم في ظلام يتيهون

[ابن حماد]

مريت عقب ابطيت دكه للاصحاب
ومن يوم جيته باشرتني بماجور

قلت اخبريني وين ابو زيد وذياب
وين الرجال اللي لها الرأي والشور

قالت بعد تفكير غاب الذي غاب
واللي بقا مضمون ياصل له الدور

وعودت منه وخاطري ياملا طاب
من هالغرور اللي خواتيمها قبور

يا حي يا قيوم يارب الارباب
جعل لنا يارب نور على نور

اليا رجع جسم من تراب لتراب
في عالم البرزخ لما ينفخ الصور

[الركام]

لو تمرون اعذروني عن غيابي
والعذر مني لكم في كل حالي

مالقيت لكم عذر زاد اغترابي
ولا لقيت احد يجاوب عن سؤالي

كل ماوادعت جاني لي عتابي
مايصير موادع الغالي لغالي

خايف اخطي وينزل بي عذابي
ليتكم خفتوا ولا جاله مجالي

المفارق صير ديار خرابي
والرجوع اظنه بعيد ومحالي

[أبو سيرين]

يا دكة الشـيبان قصي مـن كتاب الـذكـريات

شيبان مروا من هنا ما بين حي وبين مات

والله يرحـم مـن توفى وبـات في قبره وحيد

واللي بقى نسـأل لهم ربي السلامه والثبات

[أبو سيرين]

إذا ما شاركوا الشـياب
وخلـوا الشـك والـريبـه

يصك العمر عنه الباب
ويرجـع عـاجـز وشيبه

[أبو سيرين]

ما احــلاك يالشــايب .. معدد
ما دام ما في الشباب أعصاب

تزوج ... البـنـت ... وتجَــدَد
واقـفـل عليك وعليهـــا الـباب

ولا تغـلق الـقـفـل .. وتـشــدد
الـحــب مسكنه في .. الألباب

مـا انتـه .. بمـيـت ولا مـهـدَد
ما للمنيــه وطــن وحـســــاب

والـرزق مكـتوب .. ومـحــدد
والصاحي أولى من المنصاب

اقــدم .. ولا تخاف .. وتتردد
والله هـــو الــرازق الــوهـاب

[رذاذ]

سلام منّي على الشيــبان
وباقـه من الـورد وأبيـاتي

للّـي غلاهم لنا عنــوان
كُلَّــن أخصّـه بــ تحيّــاتي