جعل الخيال الي بروقه ملاويح

[حمود السحيمي]

مصافحه اولى عساها تنال على اعجابكم

جعل الخيال الي بروقه ملاويح
يمطر على صبحاء ويظهر نباته
من مزنتن وسميتن مع قفى الفيح
كلً بعدها كابشنً في عباته
من بعدها وتشوف نوير والشيح
ولانفلها مختلط في هقاته
كل المراعي لا الرعايا مصاليح
العشب كاسيها مع اربع جهاته
ومن بعدها يازينها هبة الريح
ومد النظر بعد الفجر من صلاته
خوة نشامى كل ابوهم طحاطيح
الكل منهم مايشح ابعطاته
نجلس لنا بروضنً خضر كاسي السيح
والكبش حنا خالصين ابذكاته
وسوالفنً زينه من الخاطر نبيح*
ماهي هروج المهزله والسمات
وشوف النياق الي لها الراعي يصيح
خمسين خلفه والبقي اجنباته
والي سمع منهم علينا منازيح
والفرق واجد كلبوها شتاته
يخذون خمس اشهور وهمه على صبيح
ومن بعدها محدنً يرد ابعصاته
كلً يقفي من ديار المفاليح*
والبال ضايق مير ذي امكناته
يقول نبغى هالديار المشاريح
لاكن نفسه ماتجي بمنياته
يحداه وقته والمشاغل ملاقيح
ويمشي من الديره ماوصل انهواته
من ديرةً تبر النفوس المجاريح
ولصار بالك ضايقمً هي سعاته
ون كان صدرك من صدورًن مكابيح
هي انشراح الصدر وهيه حياته
وصلاة ربي عد ماسايح يسيح
على النبي الي حشته الشماته

؛
حمود السحيمي الحربي