مواقف مضحكه في البر .

[فواز القاسم]

اثناء الاستعداد لصلاة الفجر في يوم بارد جدا في مخيم بالثمامة .. وكانوا الشباب مجهزين بريق على النار .. من اجل يتوضأون بماء دافي ... وبعد معركة خفيفة بين الشباب لأن الابريق لا يكفي الكل ,,, تفأجا اول قوي حصل على الابريق بعد ان سكب للوضوء ان الذي داخله شاااااي

[ابو البر]

يا رب نزل علينا المطر

[ابو البر]

السسسسسسسسسسسسسسسسسسسسسسسسسسسسسسسسسسلالالالالالالا لالالالالالالالالالالالالالالالالالالالالالالالالا لالالالالالامممممم عليكم


من الآخر

حبيت اطلع البر ونويت على مكان بعيد بالمره بعيد عن صخب المدينه (حلوه كلمة صخب ) مدري من وين تجيني الكلامات الرنانه هاذي اذا جيت اكتب موضوع او مشاركه

المهم
نويت على الطلعه برفقة حارسي الشخص وانتو مثل ما تعرفون ان عندي حارس شخصي ولا صارت علوم ..........وللمره الثانيه اقول (المهم )ما علينا
قررت اني اطلع شمال الرياض حول مخرج قوات الآمن الخاصه قريب يعني ولكن لآنه سبق اني وعدت حارسي الشخصي با أنا (((( حلوه كلمة (أنا ) وأنا راح نطلع طلعه بعيده
...... جتني فكره ثعلبيه وقررت التنفيذ اتجهت بالسياره على طريق القصيم مرورا بالمخرج المذكور اعلاه ومشيت الين وصلت الله العالم حول مفرق الزلفي ومن فوق الكبري رجعت مديور الين المخرج ( كبري قوات الآمن الخاصه ) ودورت لي محل ......وسط ذهول واحتجاج وامتعاض مرافقي الشخصي حيث انه يريد مكان بعيد يحس فيه احساس المتعرض لمشقة السفر وبعد محاولات وشد وجذب تم اقناعه با أننا رحنا مكان بعيد والدليل انا مشينا ميتين كيلو وهي الشغله كلها بر ......ولكن ربك ستر ما ثور فيني بالسلاح الشخصي الخطير اللي كان يحمله لحراستي ........واليكم الصور ...........ولا احد يقول بايخه تكفون

ترا فيني اللي فيني من كثر مواضيعي البايخه .

[اوهام]

ما ينراح معك
انشهد انك فضيحه
ههههههههههههه

[ابو البر]

اوهام
هلا وغلا

والله يبيلي اخذ لي كم واحد من الآعضاء ونطلع انا وياهم طلعه بعيده بالمره
ويبيلها تجهيز قوي شوفوني احذركم.

وبعدين تعال هنا
وراه ما تحط لنا سالفه حصلت لك بالبر بدل هالرد ولو انه ماشي الحال بس الموضوع هاذا مو للسوالف ......نبي سالفه حصلت لك بالبر.

[ابو البر]

شي غريب

والله ان هالمنتدى ما يدخله الا ناس يحبون متعه الحياه ويبحثون عن البساطه والهدؤ ومزاجهم رايق ولاكن الله اعماهم عن التلطف مع بعضهم والمشاركه بمواضيع توسع الصدر
وعلى فكره ترا كتابه قصه سوا كانت عجيبه او مضحكه او محرجه او غريبه ما تنقص من المرجله .
حنا بشر نمر بكل المواقف .
وسعو صدور بعض.

[ابو البر]

للرفع غصب عنكم

شاركو بهالموضوع


يوم من الآيام بكون مشرف بهالمنتدى وراح اشيل كل الردود ولا راح اخلي الا القصص

بس شاركو يا اشباه ابو الهول .

[الوديع]

مشكور اخوي على الموضوع الجميل و الصور الرائعة

[ابو البر]

المشاركة الأصلية كتبت بواسطة الوديع

مشكور اخوي على الموضوع الجميل و الصور الرائعة

هلا الوديع
باين عليك شفت اخر رد مني مع الصور
انا اتكلم طال عمرك عن الجميع ليتهم يشاركون وينورون المنتدى بالسوالف السنعه.
شكرا لمرورك.

[ابو البر]

المشاركة الأصلية كتبت بواسطة الوديع

مشكور اخوي على الموضوع الجميل و الصور الرائعة

عودنا فيها
شارك افضل
عشان تدخل التاريخ من اوسع دريشه .
ههههههههههههه