مدير العلاقات العامة والإعلام / الاستاذ ((النايف)) ضيف كرسي الاعتراف..

[ذيب طمية]

موضوع رائع لاهنت يابرق تمير

الله يعطيك العافيه

_________________________

بالنسبه لابو نوره والله وسبعين نعم نعم الرجل وتعجبني مشاركاته في قسم الطقس

ماعندي سؤال له بس حبيت اسلم عليه واقول له الله يعينه

بالتوفيق يابو نوره

[صالح الربيعان]

ياهلا وغلا بأبي نورة 000 منور الكرسي بوجودك ماشاء الله 00 الله يعينك على الجوع لكن الظاهر إني أبهرب لك الأكل مع أحد الجنود 00 لي عودة بالأسئلة بإذن الله

[النايف]

المشاركة الأصلية كتبت بواسطة برق السناف

ياهلا وغلا بأبي نورة 000 منور الكرسي بوجودك ماشاء الله 00 الله يعينك على الجوع لكن الظاهر إني أبهرب لك الأكل مع أحد الجنود 00 لي عودة بالأسئلة بإذن الله

هلا هلا هلا
ببرق السناف وراعي الشيحية جعلها للسيل الي يسقي نخلها
هلا والله بأبوعبد الله ونور أكثر بوجودك
تقوله صادق عزالله أنه سجن وربطة لكن تراني أحتري المرقوق من زمان عنه
ههههههههههه
هالسجن مافية جنود كله مفتح عن قوله بس وحتى المفتاح معي
يعني تراني أقدر أروح أجيب عصير وسنكرز
بإنتظارك يابعدي والله يحييك وأشكرك على المرور
تحياتي

[صالح الربيعان]

المشاركة الأصلية كتبت بواسطة النايف

هلا هلا هلا

ببرق السناف وراعي الشيحية جعلها للسيل الي يسقي نخلها
هلا والله بأبوعبد الله ونور أكثر بوجودك
تقوله صادق عزالله أنه سجن وربطة لكن تراني أحتري المرقوق من زمان عنه
ههههههههههه
هالسجن مافية جنود كله مفتح عن قوله بس وحتى المفتاح معي
يعني تراني أقدر أروح أجيب عصير وسنكرز
بإنتظارك يابعدي والله يحييك وأشكرك على المرور
تحياتي

ياهلا بخوي النايف والظاهر إن عندك واسطة بالسجن 00 طبعا مدير عام السجون من المجمعة هههههه وهاذي أسئلتي صح كثيرة لكنها خفيفة
1ـ أشوف عندك إلمام ودراية بقراءة الخرائط الجوية وشرحها فكيف توصلت لذلك ماشاء الله

2ـ ماهي هواياتك المفضلة خارج المنتدى

3ـ لو سكنت خارج المجمعه ماهي المدينة التي تتمنى أن تستقر فيها

4ـ حدثنا عن أي موقف محرج أو طريف حصل لك في حياتك

5ـ ماهي أفضل دولة زرتها ولماذا ؟؟

6ـ سؤال ذكاء ههههههه 1+1 = 1 ماذا تعني لك هذه المعادلة

[النايف]

المشاركة الأصلية كتبت بواسطة برق السناف

ياهلا بخوي النايف والظاهر إن عندك واسطة بالسجن 00 طبعا مدير عام السجون من المجمعة هههههه وهاذي أسئلتي صح كثيرة لكنها خفيفة
1ـ أشوف عندك إلمام ودراية بقراءة الخرائط الجوية وشرحها فكيف توصلت لذلك ماشاء الله

2ـ ماهي هواياتك المفضلة خارج المنتدى

3ـ لو سكنت خارج المجمعه ماهي المدينة التي تتمنى أن تستقر فيها

4ـ حدثنا عن أي موقف محرج أو طريف حصل لك في حياتك

5ـ ماهي أفضل دولة زرتها ولماذا ؟؟

6ـ سؤال ذكاء ههههههه 1+1 = 1 ماذا تعني لك هذه المعادلة

وأنت الصادق يابوعبد الله نائب المدير
ههههههههه
ج1/ بالنسبة لمعرفة لقرائة الخرائط أتت بالمتابعة الدقيقة جداً جداً جداً يعني أطابق بين نماذج توقعات المواقع العالمية وبين الطبيعة عن طريق الماتيوسات وتحريكها وهذه خبرة أربع سنوات متابعة يومية متصلة بدون إنقطاع لاصيف ولاشتاء .
ج2/ هوايتي متابعة قناة طيور الجنة <<<< هههه والله تأثرت من كثر مايحطونها عيالي أخخخ
طبعاً هوايتي هي التصوير وتطوير الذات .
ج3/ الله لايقولة لو يجي عزرائيل ماخليت المجمعة وماسكنت خارجها ومن غير شر
ج4/ إليك الموقف الطريف هو قبل عدة سنوات كان يوم خميس المهم أني قمت من النوم وأشوف الساعة 8,15 المهم مير أقحص من النوم وبسرعة ألبس ثيابي والشماغ بدون تصليح الشخصية وأشغل السيارة بسرعة وبدون تحمية وعلى طول للدوام ويوم وصلت للدوام وأثاري مافيه أحد في مواقف السيارات وأسئل نفسي وأقول وين الموظفين اليوم قلت أكيد أني غلطان بالساعة المهم تأكدت من الوقت أنه صح ومع شوي تفكيرتذكرت أن الدعوى يوم خميس ومافيه دوام هههههههههههه
أنقهرت مع شوي ضحكات على نفسي ورجعت للبيت وكملت النوم
هههههههههههه لاتلومن حريص على الدوام أخخخخ
ج5/ بالنسبة للسفر يابو عبد الله أنا لاأحرص على السفر للخارج وأول مرة أطلع هذه السنة وسافرت ( لسرلنكا ) والصراحة على مايسمونها السيرلنكيين ( جنة الدنيا ) وهي مناظر ساحرة وسبب زيارتي لها هي مزارع الشاي والطبيعة .
ج6/ أبو عبد الله سوف أعتبر هذا السؤال سؤال ذكاء وأجعل أن معادلة 1+1= 1 هي ( تميم ) .
والصحيح أن الفريق الناجح هو الذي يجعل من 1+1=11 وهذه المعادل أشك بها من حيث الدين
أشكرك حبيبنا أبو عبد الله على الأسئلة الخفيفة ويامرحبا فيك ومنور والله المتصفح
مشكور وتقبل تحياتي

[النايف]

المشاركة الأصلية كتبت بواسطة ذيب طمية

موضوع رائع لاهنت يابرق تمير

الله يعطيك العافيه

_________________________

بالنسبه لابو نوره والله وسبعين نعم نعم الرجل وتعجبني مشاركاته في قسم الطقس

ماعندي سؤال له بس حبيت اسلم عليه واقول له الله يعينه

بالتوفيق يابو نوره

تســـــــــــــــــــــــــــــــــــلم والله
وياهلا والله بذيب طمية أخجلتني بإطرائك والصراحة نورت الموضوع وشاكر لك حرصك بالسلام والله يسلمك من كل مكروة
ورحم الله والديك ونعم فيك يالذيب
أشكرك كل الشكر على المرور وأي سؤال ترانا مستعدين يالغالي
تقبل تحياتي
أخوك : أبو نورة

[الاطلسي]

هلاوالله باخي الغالي النايف
مشكور على جلوسك على كرسي الاعتراف
انا ماعندي شي اقوله الابيض الله وجهك وياحبيل الخشيشه
من اول ماشفتك بالرس وانامعجب فيك خصوصا بعد القصيده والشيله الجميله مع الشيخ قوقل
والله يحييك مره ثانيه انت وكل الربع وكل عضوفي هذا المنتدى الرائع
الذي اعجبني فيه الحرص على التواصل ودمت بخير
اخوك
ابوعبدالرحمن

[النايف]

المشاركة الأصلية كتبت بواسطة الاطلسي

هلاوالله باخي الغالي النايف

مشكور على جلوسك على كرسي الاعتراف
انا ماعندي شي اقوله الابيض الله وجهك وياحبيل الخشيشه
من اول ماشفتك بالرس وانامعجب فيك خصوصا بعد القصيده والشيله الجميله مع الشيخ قوقل
والله يحييك مره ثانيه انت وكل الربع وكل عضوفي هذا المنتدى الرائع
الذي اعجبني فيه الحرص على التواصل ودمت بخير
اخوك

ابوعبدالرحمن

هلابك أكثر يابوعبد الرحمن ووجهك أبيض يالغالي
والشكر لمشرفنا برق تمير ماخلى شي علي ولكن لعيون حبايبنا بالشبكة مستعدين نجاوب وقبلنا بالكرسي والله يعينا علية
وتراني ذيك الليلة ماهنا شيلات تسوى ولكن بنساعد الشيخ قوقل ونوسع الصدر , والله يجعل الي خلفوك بالجنة وأحبك الله الذي أحببتني له وشاكراً لك على المرور
تحياتي لك
ابونورة

[خالد الشمري]

منور الكرسي خبيرنا الغالي النايف
ماعندي الا سلامتك ودعواتي لك بالتوفيق

[النايف]

المشاركة الأصلية كتبت بواسطة مراسل حائل

منور الكرسي خبيرنا الغالي النايف
ماعندي الا سلامتك ودعواتي لك بالتوفيق

حياك الله أخوي مراسل حائل وبالمهلي الي مايولي

وأنت نورتنا بوجود ومرورك شرف لنا

الله يجزاك خير وجعلك سالم غانم

مشكور على المرور وتقبل تحياتي

أخوك