رحلهـ ليلية لجبال الشفاء 1430هـ

[rhaal]

السلام عليكم ورحمة الله وبركاته
مع الهدوء التام هذهـ الأيام بالرحلات للي ما صيفوا
نحط لهم صور تصيفتنا بهاك الليلهـ في منطقة الشفاء بالطايف
معن إن الصور كلها للعشاء بس وش نسوي العيال لزمو علي أنزلها لكم لدرجة إنهم بغوا يسون..:icon1366:
ودهم يشوفون صورهم بمنتدانا الغالي بأهلهـ (واحد ما لهـ خلق للمواضيع هاليومين)

اليوم يعلمكم القمر لذيك الليلهـ من شهر شعبان1430هـ

بدينا باللحمهـ بحمسها مع البصل

وتفويح الماء للحمهـ على النار

ونجهز الجميرات لطشتيه الدجاج
لتلبية جميع الأذواق والطلبات

خلطة الدجاج
حلوهـ يا مصورنا لتجميد اللقطهـ

بعد خلط الدجاج بالبرابيس السابقهـ ودهنه بهن
نصفهـ على الجمر مباشرهـ

ومن ثم نحكم الإغلق بالطشت عليهن ولا يصير به تنسيم أبد
لو صار تنسيم راح يحرق

والشقردية أول بأول يضفون العدهـ اللي ما لهـ لزمهـ يشال

واللحمهـ بعد إضافة الماء نكتم أمها

والبدء بالمكرونه ما شاء الله علي :new3: ما أحب أمدح نفسي [الله يحلل المصاريه عندي]
ترى اللي ورى قلهم علشان يشغلون القز

وتصليح النار فوق الطشت حتى تكون متوازنه ما يكون جههـ أقوى من جههـ

ولقطهـ نصف جماعية للشقردية

ومصورنا يحب يبدع ويتفنن بالتصوير

وفرش النار على جميع الطشت

واللحمهـ تقريباً إستوت

والمعكرونه نصف استواء إلى الآن

وموية اللحمهـ جاهزهـ

ولابد من موية اللحمهـ للتطعيم

ونوعين للمعكرونه ما قلنا لكم تلبية جميع الطلبات

الشيف النمحي (عبدالرحمن) اللي تسميه كذا ترى ما هيب سارهـ بنت علي الشقردي
ويالله تنطقهـ بعد عشرين محاولهـ

ونتأكد من الطشت والجميرات اللي فوقهـ

والمكرونه بدأت بالنضج والاستواء الطيب

ولقطهـ جماعيه لأغلب الشقرديه بالرحلهـ هذي
الباقين ما أدري وينهم

لا بغيت تعرف الملقوف حطهـ عند الضو
بس ولو مستقبل شقرديه

اللحمهـ جاهزهـ
واللوميه طايرهـ

وتبريح الجمر عن الطشت

ونفض الغبار والتراب (اللي بوجهـ العدو) جيداً عن الطشت قبل الفتح

وحبه حبه عند الفتح عن التراب

أممممممممممم
القط يا ملقط
واقلط يا مقلط

تصلح دعايه للوطنيه أو فقيه أو الأخوين أو أي راعي دجاج
بس يعطينا حق الدعايه

ومعكرونة أبو عبدالمحسن وآلمه (أي جاهزهـ)

واللحيمات مايعهـ

العب ياولد

كيف الأحوال
عساكم شبعانين
لآ تنضلونا

وسعود والله من الشطانه موبد عمرهـ بين الصحنين
علشان يلعب على الشارعين

ما بقى إلا محل المصور عليان

وسامحونا على القصور بالتقرير
إللي مغصوب عليه:icon28:
حتى ما نكسر خاطر الشباب:tears:
اللي واعدوني كلهم بيسجلون بالمنتدى إذا شافو التقرير عن هالرحلهـ
ولو إن التقرير ما هوب كامل:thumbdown:
بس يقولون تعبر بأم شوشهـ لين تجيك المنقوشهـ

ومع سلامة الله

أخوكم /
rhaal
.
.
.
.