رحلتنا لليمن(الحديده,تعز,إب,عدن) وجيزان وفيفا وجزر فرسان

[rhaal]

المشاركة الأصلية كتبت بواسطة ابوشل

بيض الله وجهك يالغالي

بس سؤال بايخ شوي: هل الوضع امن هناك في كل مكان

الله يسلمك ومشكور على الرد

وبناء على سؤالك بجاوبك جواب بايخ ولا تزعل
من ناحية الوضع الأمني ما أفيدك بالضبط لأننا يوم نسأل قبل ما نمشي كانوا يقولون صعب شوي سواء من الناس أو من بعض الأمن تخبر يدورون دهن السير لكن مع ذلك ما مر علينا منهن شي ولله الحمد
الا كانه بالحدود وحنا رايحين وبرضوا بالحدود بالرجعه بغو يرجعونا 300 كيلو يقولون ليش ما سجلتوا دخولكم عند أي مركز شرطه باحدى المدن الكبار مثل الحديده أو عدن أو صنعاء ( يدعون إنه نظام عندهم ) وبعد ما تمشكلنا معهم ليش ما قلتوا لنا يوم ندخل مع الحدود قالوا شي معروف وموجود برضوا بالختم اللي بالجواز لكن محاتسيك مسكت معه ما يرجع لو يتطاقون الين جانا احد الضباط بيحلها سلميا (حرب صارت)ههه وطلب منا البخشيش (قصدي الغرامه) عن كل جواز 30 ريال سعودي
المية ريال اليمني يسوى ريالين سعودي بس وحنا سبعة اشخاص وعليك الحسبه

بس الديره تستاهل الزيارة اذا كانوا شباب واجد
تدرون ليش غير الجمال والطبيعه اللي فيها اننا نعرف النعمه اللي حنا فيها (فقر) يروع بها اللهم لك الحمد بس

[rhaal]

المشاركة الأصلية كتبت بواسطة اتيكا

الحمد الله على السلامه أخوي rhaal

رحله موفقه ومن طول الغيبات جاب الغنايم

والله يجزاك خير على هالموضوع الرائع

تعلمنا منه أشياء ماكنا نعرفها من قبل

حياك الله أخوي اتيكا
ما أقول الا منكم أنتم نتعلم والا حنا بالنسبة لكم مبتدئين الله يسلمك
ولك كل شكري وتقديري لمرورك والرد الرائع لنا يا خلفهم

[rhaal]

أخوي أبو نوره 6

مشكور على المرور والرد والله لا يهينك


أخوي واستاذي العزيز هادي
لا تحسبني ناسي اجاوبك أو اشكرك انت يبيلك مخمخه بالرد والشكر الله لا يخلينا منك

[بحر العرب]

بارك الله فيك
وبيض الله وجهك انت وربعك

[مدرس بدنية]

يعطيك 6482 عافية

[خالد عبدالله]

رحيل يعجز القلم بأن يفيك ايه امبدع

لا يسعني الا ان اقول من القلب بيض الله وجهك وجزاك الله خير

[فله الأنيقه]

لا تعليق

[rhaal]

أخوي بحر العرب
الله يبارك فيك ومشكور على الرد

أخوي مدرس بدنيه
الله يعافيك
6482 شكر على المرور

اخوي خالد ( أبو عبد الله )احرجتنى يمال العافيه
بالذات أنت كم أعجز عن شكرك بصراحه والف تقدير لمرورك

أخوي/أختي (ما ادري )برضوا لاتعليق لك (كنه ما جازلك)

[rhaal]

المشاركة الأصلية كتبت بواسطة هادي

ما شاااااااااااء الله
والله ان حنا استمتعنا بالرحلة
شي جميل جداااا
بس نبي خط سير الرحلة والمسافات اذا تقدر
مشكوووووووووووووور



سلام

وعليكم السلام ورحمة الله وبركاته
خط السير بالتفصيل( ابشر بسعدك )
من الرياض بالطيارة الى جيزان (السيارة مشحونه بالنقل) بعدها الى الطوال _ الحدود اليمنيه _ وهذي مسافتها تقريبا 100 كيلو ومنها الى حرض باليمن همن الله يسلمك لا يردك الا الحديدة والمسافه من الحدود الى الحديده 250 كيلو ومن الحديده على تعز ( تمر بالطريق على قرية زبيد الأثريه ) وهذي مسافتها 170 كيلو ومن تعز على إب 100 كيلو
عاد كانت النيه الى صنعاء بس قالوا لنا إن البرد شديد بالمررررررررررره هناك حتى قابلنا بعض اهل صنعاء اللي لقيناهم بالفنادق سواء بالحديده أو تعز أو حرض أو بالمزارع اللي بالطريق كلهم اتفقوا إنهم منحاشين من البرد اللي جاهم لدرجه إن بعضهم يقول إنه شقق شفايفهم
عاد قررنا نغير خط السير وصار من إب الى عدن والمسافه 250 كيلو
ومن عدن على الطريق الساحلي الى الحديده ومسافته من 400 الى 500 كيلو وهو يختلف عن طريق الجيه لكن روووووووووعه بقوة وطبعا هو على حساب السعوديه

ترى المسافات ماهي دقيقه جدا لأن فيه مشكله تواجهك هناك ما فيه لوحات الا قليل جدا وتلقاها مصديه بعد
ومن الحدود على جيزان ومن ثم فيفا 90 كيلو وهمن على فرسان بالعبارة من ميناء جيزان ومسافتها ساعتين طبعا تقدر انت واللي معك كلهم وسيارك بعد تركبون العبارة مجانا ( مجانيه ) وهي رحلتين يوميا وهمن على جيزان للمطار على الرياض
ارجو إنه واضح لك أخوي هادي وأي استفسار أبشر بسعدك بس على شرط أخاويك إذا نويت الروحه لليمن

[عبدالرحمن الزاهر]

ما شاء الله تبارك الله