من لاقدح من مخة الرأس شاره = لاتنخطب بنتـه ولاتوخـــــــذ ريـاه

[رشيد الهديرس]

[poem=font="Simplified Arabic,5,#FFB900,bold,normal" bkcolor="#181804" bkimage="" border="none,4,#400000" type=0 line=0 align=center use=ex num="0,#400000"]
من لاقدح من مخة الرأس شاره = لاتنخطب بنتـه ولاتوخـــــــذ ريـاه
ومن لارفت يمناه زلـة يسـاره = تصبح يمينة قدرها مثل يسـراه
ومن لانفع ماظر في كـل غـاره = ومن لاهـــــدم مالـه بيـوت مبنـاه
ومن لاعرف مقدار نفسه وكاره = سحم السباع إلي تقانب تعشـاه
من لا بنا ساس المسلح عمـاره = يصبح شماتـــه لنفوس المـراواه
يقول من ذاق الحـلا والمـراره = تجـارب الدنيـا كتبهــــــــــا بيمنـاه
أخذت من بعض التجاره عبـاره = يجاهـــــــل الايام بوصيـك بوصـاه
إليا نزلت السـوق دور خيـاره = يابعد فرق الزين والشين بعـــداه
واحفض لسانك زين وقت الزياره = من طاع نفســـــه باع دينه بدنيـاه
وانااعرف ان الحر تكفيه الاشاره = والعلـــم مافـاد القلـــوب الموطـاه
والطيب ماهو من بنوك التجـاره = الطيب طيب بساعة الضيق نلقاه
وليا بغيت القاف ماخذت إعـاره = يلــي ترد اول كلامــــك عـلا اتـلاه
ارفع مقام الشعروبنـي جـداره = ولاهوب متعبني اليا صعـب معناه
يلي تقول الوعل اسـد المغـاره = وتلبس السرحان شعـرمن الشـاه
عباد وجـه ولا بكبــــــدك مـراره = كيف البشر يعبـد بشر كنه إيـاه
من كيد نفسه معمي الله بصـاره = ولايلعن الله غيـــر قوم المضاهـاه [/poem]

الشاعر المرحوم عاضه المرزوقي البقمي رحمه الله

[نبض القلووب]

مشكور

على هالقصيده الجميله

و الله يعطيك العافيه

[هامـة مضر]

ابيات جميلة مشكور على النقل يا رشيد الهديرس

[عاشق الغرمول]

الله يعطيك العافيه على الأبيـات ابيات جميلة

[الغربي]

رحم الله الشاعر

ومشكور على النقل الرائع

لاهنت

[فارس الأجواد]

صح لسان الشاعر ومن نقله لنا هنا

[الشايب]

بيض الله وجهك
كلام مليان..غفر الله للشاعر البقمي

[هماليل المزن]

صـح لسانك , ولسان قايلها

[أبو مناور]

والطيب ماهو من بنوك التجـارهالطيب طيب بساعة الضيق نلقاه

صح لسانك ولسان قايلها الله يرحمه ويغفرله