| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#2
2009-06-07, 05:36 PM
|
|||
|
|||
صح لسانك أخي الفاضل الركام وبارك الله فيك وإليك الرد حي الجواب اللي بيوته عذيه من واحدن زين المعاني كتبها اهلا هلا بك عد رشق برديه من مزنتن تنثر حوايا جعبها طيبك يرد بزهرتن نرجسيه وتحيتك تبقى لقرمن كسبها قلت البراري تذكر الشوشليه واقسامه اللي كل زاير رغبها ربعن لهم في مهجة القلب فيه يرتاح بالن عقب قوقل قربها احسهم كيفن كما الشاذليه ومذاقهم مثل الحلو من عنبها القاف فيهم لو وصل خمس ميه ما يدرك كنوزن عميقه غببها اليا مشوا للبر والشمس حيه رحالتن شالوا كمايل عزبها ما خلوا ديارن بعيدن مديه من عرعر لحايل لميسان لابها يا ليتنا واهل البراري سويه في عزلتن ما كل دايج ضربها بين الجبل والسهلة الجرهديه نشب نارن ما تقاصر لهبها مكرعنين الحيل بارضن خليه الضان شحمن في لحمها غلبها هبرن بقاع القدر وهبرن شويه واحدن جلب للربع يابس حطبها نفسن مع زحول الخلا واهنيه وعرف الشكاله من فعايل عربها هذا تمام القاف واختام طيه والشكر للي صار مبدا سببها ( أبو عبد الله )
|
|
| أدوات الموضوع | |
| انواع عرض الموضوع | |
|
|
العرض المتطور
