(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

قل المواصيل ما تلغي رسول الغرام
و قلوب الاحباب رغم البعد متوالفة
.
البارحة مرني طيفك بـ نص الكلام
واشتقت لك لين قالوا كمل السالفة

[بقآيآ .. حرف]

لاتضيق الله لايكتب لذاك الوجه ضيق
يكفي انك تروح وان ضاق بالك جيتني

وانت من سوى لرجل الحزن صوبي طريق
ويوم .. دليته على خاطري خليتني

[بقآيآ .. حرف]

لو ممتلي صدري مشاريه و عتاب
قافل على أبواب الزعل و التراضي

و الخاطر المجروح يلقى له أطباب
لازم يداري خاطره .....(بالتغاضي)

[بقآيآ .. حرف]

تغآفل البرد و إسأل .. ليه متغير ؟
عشآن أبرر دفآي لوجهك الثآني
'
آخر جروحي وتلويحي و دنآقي
تعلم اللي سأل: وش فيك وحدآني

[بقآيآ .. حرف]

الجرح فـ البُعد مايٓجرح لكنّ العناق،
لاصار في وقت قبل البعد هو الكريه
لذلك أتعب على الفرقى وشكل الفراق
وأنسى المكان الأخير إللي تفارقت فيه

[بقآيآ .. حرف]

خليت مابيني وبينك مسافة
لمصافح الكفين؛يادوب تكفي
من شان لايكبر جحيم الحسافة
عليك وان شفتك مع الناس مقفي

[بقآيآ .. حرف]

وآجـد ملذات حولي ؟ والعمر زايف
لذآتها عابره ..... و الذنب يبقى لي

النفس ترغب/ وانا يَ خآلقي خآيف
آخذ كتاب الشقآ في قبضة شمالي

[بقآيآ .. حرف]

لا والله ماني مرخصك في الموادع بس
انا لا كبر همّي بقلبي قعدت اضحك
.
عليك الكرامه واقفه والشعور يعسّ
اماكن لقانا كلها ملح من ملحك

[بقآيآ .. حرف]

قريب المعشى ماذخرناه وقت الضيق
ذخرنا الحزام اللي تشوقه عزاوينا
.
يجور الزمان ونعرف الصدق والتلفيق
سلامي على الشدات تفحص هقاوينا

[بقآيآ .. حرف]

تغابوا تعيشوا ، لا تذاكون تبتلشون
وعيشوا كذا دام أسعد العالم أغباهم
ِ
تدور الدواير فوق راس الغبي وتهون
وتبقى مواريها .. على جبهة الفاهم