(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

ويش اسوي لا سرى الليل وارهقني الارق
بين حلم ً ما اعيشه وواقع / ما يطاق
.
شفت حتى جبهة الحزن به تنضح عرق
صار كنه ضحكة الغبن في وجه النفاق

[بقآيآ .. حرف]

خليتك بـ معروف ما بعتك بـ رخص
عشاني ( اعزك ) ... وماني اناني

صعبه تعانق شخص . وتفكر بشخص
هذا شعوري .. / حط نفسك مكاني

[بقآيآ .. حرف]

أرقى على رجم الكرامة ياخفوق
وان شحّ بـ وصاله تروّ بـ قيمتك
'
نذوق مرّ ( الصد ) لكن ما نذوق !
حلاة وصلٍ .. راس ماله شيمتك

[بقآيآ .. حرف]

الكلمه الموجعه هي كلمتن من رفيق
جاتك بعكس الهقاوي فيه وقت السعه
.
انشهد إن الوسيعه قدم عينك تضيق
السكته بتوجعك .. والكلمه بتوجعه

[بقآيآ .. حرف]

وُلدت مدري وشهي احلآم الأطفال
ركلني الواقع ﻟـ : سّن / الرجوله

هاتي يدِك ..في راحتي حلم رجّال
للحين باقي : في يدينك ، طفوله

[بقآيآ .. حرف]

يآ زمآن مآ رسآ بي على شط آلوكآد
كذّب آلسآري موآنيه وشطوط آلهنآ

يآ رفيقٍ مآ هدآني على آلرآي آلسدآد
بين ذنب مآ جنيته وذنب له جنآ

[بقآيآ .. حرف]

عشت لاجل الملاقى فوق كف الرحيل
بين عذل اللئيم و بين لئم العـذول

انتقي لك من خيول المحاباة خـيل
و تنتقي لي من خيول المجافا خيول

[بقآيآ .. حرف]

وحانت رحلتي والأمنيات ركاب
مقادير البدو .. قامت تسرّيني !

رحلت بـ حلم شايب وبعزيمة شاب
مرامي : عودة الورد لـ بساتيني

[بقآيآ .. حرف]

معاك بالذات ما لـ مشاعري منه ،
يابحري اللي يغرقني وأنا : غارق !

أفكر شلون : نلقى بعض بالجنه ،
وأنتي تقولين : كل الناس تتفارق

[بقآيآ .. حرف]

مهما تشوف قلوب في هذا الزمن
متماسكة ، وتظنّها ، مثل الحجر
يمّرها ، من وقتها ضيم ، و غبن
وتشوف لوطال الزمن فيها كسر