دكة الشيبان جلسة كل شايب

[رذاذ]

المشاركة الأصلية كتبت بواسطة الركام

[align=justify]

‎دكـة الشيبان جلسة كـل شــايب

مير مابالـموت يعطـيـنا مجـالي



كل وقت نودع اصحـاب وحبايب

من رحل ميت ومنهو حي غــالي

‎
كلكم في البعد سبـبـتوا سبايب

يشـهـد الله عقبكم مانيب ســالي



ان بغيت الحي دربك به صعايب

وان بغـيـت تقابل المـيت محــالي

الفراق يعـد من احــد المصــايـب
منه تاخذ لونها ســـود الليالي

كم عرفنا من صديق ومن قرايب
وكم ديار عقبهم صارت خـوالي

تالي الدنيا تعــود للـخـرايـب
وكـل مـخـلــوق مـرده لـلـزوالي

مابهـا لذه ولا بالعـيش طـايب
ومابها حـالي وتاليهـا ارتحالي

سعد منهو قبل موته كان تايب
مستعد وحـاضر عند السؤالي

الركام

[/align]

دائما بين حروفك أجد روحا تتمزج بما بنا من وجدان ..
وشعور يخرج لنا بروعه البيان ..
حتى ولو كان مؤلماً ..

صح لسانك ملايين شاعرنا وأستاذنا
الركام
لله درك على ماكتبت ..
تعجز الكلمات عن الوصف ..
فهُنا خالط أرواحنا الشجن والحزن والحنين ..
غفرالله لمن رحل عنّا ، ورزقنا المغفرة والرحمه إذا صرنا إلى ماصارو إليه ..
اللهم آمين

رذاذ