(¯`•._.•[(.... بقآيآ .. حرف .... )]•._.•´¯)

[بقآيآ .. حرف]

الوقت هوّان وامال العمر مسرعه
على تجاعيد هذي الروح وارعاشها
.
يا ليت صوتي بحر والرايحين أشرعه
واتوّه اللي خذو عيني من إرماشها

[بقآيآ .. حرف]

عليك الكرامه واقفه والشعور يعسّ
اماكن لقانا كلها ملح من ملحك
.
ترى المنخذل حتى النسٓم يحسب انّه درس
يمرّ الوجيه الساهيه مرّت المُضحك

[بقآيآ .. حرف]

توّبيني عن الدنيا واهلها وأتوب
الليالي تغرّ العين بأفراحها

ليت هالناس ما تترك بياض القلوب
لين ما اجسادها تعزل عن ارواحها

[بقآيآ .. حرف]

غنّ ياولد الهقاوي على بنت الهجوس
الليالي راحت اظبا وجت مستسبعه
.
كل ما قست المسافه تباطيت العسوس
وكل شور يمرّ الاسماع ياخذني معه

[بقآيآ .. حرف]

دوّر على مثلك من طيور الدجا
وارسل عليهم من ثلاثك واربعك
.
انا لو اكتب فيك شي من الهجا
ماعاد خلّيت آدمي يمشي معك

[بقآيآ .. حرف]

ما يملّ من المشاريه طرّاد السراب
لين تجفاه الطواري ويملاه الدليل
.
من يسولف في خطا الغير ويغطّ الصواب
مثل لوّام الكريمين مدّاح البخيل

[بقآيآ .. حرف]

بعض الاحيان خلك في حياتك صريح
وراعي الشور وقت اللازمه شاوره
ِ
وبعض الاحيان لاتتعب لقول الصحيح
خل ، نيتك نية .. شاعر محاوره .

[بقآيآ .. حرف]

ياصاحبي والسوالف طولها مايفيد
ما في التردد ولا زود المجامل شلا
ِ
الصبر وقف .. وكثر الطق فك الحديد
والله .. ولا العِشره اللي ماعليها حلا .

[بقآيآ .. حرف]

قدّ ماجانا من الوقت .. لكن ما عليه
المصايب ، تعرف اللي يقص سنونها
ِ
علّمي يا سود الايام عن بيض الوجيه
ان لـونك يوم جاها .. مآ غيّر لونها .

[بقآيآ .. حرف]

مشكلتنا ما نوريك الغلا حتى توفى
كان ودك عاد تسمعنا فحاول وأنت ميت
ِ
أنتسالم وأنتخامس وأنتصافح وأنتحفى
غير لا جينا نصارح بالمشاعر ماتهيّت .