سحاب شقراء -سواليف الاولين ايام بيوت الطين والحياه الطيبه

[تميم بن محمد]

[/size]
صاروا ناس متجمعين عند طباخ شاب قدوره لزواج للملك سعود و عازم امير البحرين الشيخ عيسى
يقول العالم متجمعين على الطباخ مثل النمل و لازم فكرة عشان يقدر يفرض نفسه عليهم يقول و امسك هاك الجريدة (عسيب نخلة) و يضرب الارض عند رجول المتجمعين وهو يردد ارجعوا وراكم خلونا نعرف نشتغل .الجميع صدق انه من اهل العرس او ولد وزير الملك او شي حتى الطباخ صدق مثلهم يقول شوي يوم قالوا قلطوا العشاء و يقوم الطباخ و يجفى من الرز و غيره يحط المفاطيح و يقلطون على السماط عند الملك و الشيخ عيسى
يقول يوم قلطوا الناس يوم مالقيت لي مكان اجلس معهم و اجيك راجع بعصاي للطباخ
يقول ما همني الا رفيقي الجايع ادور له اما كرشة او تسبدة ناسينها يقول و افتش في القدور الى هاك المفطح في ذاك القدر اطيب مفطح
جاء وقت الفراسة عشان يلخم الطباخ
قال له انا اسمع من اول انك تسرق ولا صدقت لكن الحين صدقوا اللي قالوا لي يوم طاح الطباخ على ركبه من الخوف وهو يحلف في بزرانه انه رافعه للملك و ضيفة بس مع الزحمة و العجلة نساه
يقول ويحطه لي في كيس اسمنت و انسفه على كتفي و اجيك مروح لرفيقي
يقول يوم دخلت عليه و تلمسه ما صدق انه مفطح ذبيحه يحسبه اما ضبعه او تكرم حمار
يوم علمه بالسالفه كنه اقتنع و صدقه.لأن مو معقولة ذبيحة الملك تروح لافقر اثنين هاك اليوم
يقول دقينا في المفطح و الباقي رقيت للنخلة و ربطته في قلبها و خليته ما ياصله لا قطو ولا شي و بنفس الوقت تبريد عشان ما يخرب و من بكرة ينزلة و يلقط شوي خضرة باذنجان و قرع و طماط و بصل و يكلون عيشتهم