محــاولات شعــريـــه ومواهب صـــاعــده ..

[أبو سيرين]

يــالله يــا مـنـشـي الـسـحــــاب المطيره
تــرزق عـــبــادك بـالـمـطــر والـجـناني

يــا مــن خـلـق بــالكون خلق(ن) كثيره
تــعــبــــد وتــــدعي ربـهــــا مـــا تـلاني

يــا مـهـلـك(ن) فـرعـون ساعة مسيره
يــا مــدمــر(ن) عــاد وثـمــود الـفواني

يــا مــن لــه جـنود(ن) تحرس الجزيره
مـكـه وطـيـبـــه مـــن دخــلــهـــا بـماني

عــبــدك فـقـيـر(ن) مـسـكـنـه مـا يجيره
ضــيــق صــغــيــر(ن) مــا بـني باتزاني

يـصـفــق حــديــده كــل ســـاعــة ظهيره
بـــانــيــه بــالــهــنــقــر مــقـــاول يماني

من دون اساس(ن) والرمل هو حصيره
والـسـقــف مــايـل مــــا يـغـطـي بـــلاني

وقــت الـمـطــر يـغـــرق وحــالـه خطيره
الـمــا يـهــــــــرب نــجــمــعــه بالأواني

وبـعــد الـخــطــر كــل(ن) تـوسـد سريره
امــن الـتــعــب صــرنــا نــخــافـه نعاني

بـيـتـي صـغـيــر(ن) مــا يـكـفـي مـنـيـره
الـصــدر ضـيــق والــكـبـر قــــد دنــانـي

نــســمــع وعـود(ن) عـن مساكن كثيره
صـــــارت وعـود(ن) وعـد كوفي عناني

الـجــيــب فــاضــي والـمقـــاضي سعيره
ومـسـتـاجــر(ن) ســيـارتي مــن زماني

الــهــنـدي يـطـلـب والــرواتــب صغـيره
لــو يــدري اني مـفـلـس(ن) مــا شكاني

ابــلادنــا صــــــارت بــيــدهــم أســيــره
صــرنــا نــشــغّــل عــنــدهــم بــالمباني

جـــــــده تــعــاني مــنّــهـــم والــجــزيره
مــــــــن جــابهـم لــديــارنـا يــا خــواني

أكــلــوا الــوظــايــف أكـلـهـم لـلـفـطيره
ومـتـيـسّـره اشــغــالـهــم بــالــظــمــاني

ســمــحــوا لــهـــم يـتـمـلـكـوا كــل ديره
وابــن الـبـلـد مـتــديــن(ن) أو مـــــداني

قــالــوا الــســعــودي مــا يشغّل خسيره
امـــن الــكــذب خــلــوه مــثــل الـجـباني

يــظــلــم يــطــفــش بـالـعــمل من مديره
أخــــذوا الـمناصب والـسـعــودي يهاني

يــا نــاس فــوقــوا لـلـخـطــر يـا عشيره
ابــلادنـــا كــــانــت نــظــيــفــه جــنــاني

حــنــا عـــــرب مــا نــرتـضي بالضريره
اقــلــوبــنــا وحــــده بــوجـــه الـجـبـاني

وعــــــزومــنــا ويّــا مــلــكــنــــا نصيره
يــمــشــي بــنــا كــل الــصــعـايب تلاني

هـــو مـــن يــحــل المعضــلات العسيره
يـــامــر ويـنـهــي كــل شـي فـي ثــواني

وخــتــامــهــا صــلــوا صلاة(ن) قصيره
على الــرســل أفــضــل بـــشـر بالكياني