الصمت حكمه والحكي مصدر إفلاس

[عابر سبيل]

قالوا علامك صامت وقلت يانـاس
كثر الكلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك فـي بحـور الظلامـي

ترى الرجل صوره من الراس للساس
ثـم يتبيـن جوهـره بالكـلامـي


إما نطق في كلمـة ترفـع الـرأس
تضفي على شكله جديد الاسامـي

وإلاّ يعوّد معدنـه معـدن انحـاس
يرميه سهمه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلعلك من النـاس بـلاس
وإلا سفيـه مـا يـرد السـلامـي


الله خلق خلقه على عـدة أجنـاس
وكلـن يسوقـه مذهبـه للأمامـي

والله خلق بالطير قمـري وقرنـاس
ووقت الهدد ما ينغـزي بالحمامـي

لا جال في صدرك من الهم هوجـاس
وعينـك يحاربهـا لذيـذ المنامـي

ونفسك عليله والفكر صار محتـاس
اترك طمان القـاع وارق السنامـي

(مــنقـــول)

[رذاذ]

مشرفنا الخلــوق .. عآبر سبيــل ..

سلمت لنا يمينك على هذا الإختيــار العذب ...

حفظكَ الباري وأسعــدك ..

اللهم آميــن

تقبّل مروري المتواضع


رذاذ

[عابر سبيل]

مرورك تشريف لي شاعرتنا القديرة ( رذاذ ) الف شكر لكِ،،

[تناهيد]

الصمت حكمه والحكي مصدر إفلاس
ولقيت في صمتـي يزيـد احترامـي
عَابر سبيل
سلمت يمينك. وسلم لنا انتقآئك
يعطيك العافيه

[عابر سبيل]

سلمتي دوووم ياتنااااهيد ... مرورك اسعدني فااالك الجنة ،،،،

[حـــــارب]

_


تستحق الأشــآدة أخي عـــآبر ..

فآئق ودي .

[عابر سبيل]

هلااابك حاااارب مرورك اسعدني ياالغالي فااالك الجنة ،،،،،

[أبو منير السبيعي]

عابر سبيل بيض الله وجهك على حسن الاختيار مبدع يالغالي

[عابر سبيل]

هلاابك اخي الغالي صقر مرورك تشريف لي .. فالك الجنة ،،،،،،

[سراب]

احسنت عالذوق ياعابر
تسلم اخوي