الرحابه

[غانم الضومري]

المشاركة الأصلية كتبت بواسطة خالد اللهبي

الرحابة

.
ياحظ من يقدر بعيده يهنيك
ياغايبٍ طول عليه غيابه
.
عامين مرت دون حسك وطاريك
عيدين مرت في غيابك كآبه
.
اكذب عليك إن قلت في يوم ناسيك
وشلون وانا الحزن لابس ثيابه
.
اضحك وانا في داخلي قلب يبكيك
ويضيق بي كوني وكله رحابه
.
أحاول اخفي دمعتي لنحكى فيك
واشد وجهي في جمود ومهابة
.
مليت تكفى عود لأيام مغليك
العيد كله حزن ... كله رتابة
.
ابنتظر صبحك تجيبه لياليك
ألحق مدام العذر مفتوح بابه
.
اما تعال وردّ لأيام ماضيك
ولا ابتعد يكفي خفوقي عذابه
.
إن رحت ولا جيت بالعيد اهنيك
وكلٍ يكمل دنيته في غيابه

[align=center]

يامحلى حرفٍ كتبته باياديك
يزيل عن نفس الحزين الكأبه

حبيت أزورك في محلك وأهنيك
واكتب على الجدران شكري كتابه

الطير طيرك طار ماهو مخاويك
رف بجناحه طار لا وسفابــــه

مهما تطوح بالملاويح ناسيك
شوفي بعيني يوم شق السحابــه

عيدين راحت ما رجع أنت وشفيك
إنساه وارجع جر قوس الربـــابه

تلقى بداله طير ثاني يسليك
حط الخويتم لا تجيه الذيابه

ياصاحبي مريت من شان أجاريك
تسلم يمينك يا عدو الرتـــابــــه

شكرا خالد على هذا الطرق الجميل
تحيتي

[/align]