تحدي الكسرات

[مدور الغيث]

أشوف ذا الناس في الكسرات *** واللغز منسي عسى ما مات
حلوا اللغز لو هي رمعات *** والوقت باقي بعد ما فات

[رحال التنهات]

يـالله يامسندي بالـــذات ... يالمشتكى سامع الدعوات
تسوقها تخلف الهقوات ... مزن تركــم تتـالى اوقـات

[الركام]

رحال عطنا من الرمعات == امدور الغيث له شرهات
ماشاف لك يمه زيارات == ارمع وعود على الكسرات

[رحال التنهات]

مدور الغيث له وقفــات ... يستاهل الخير ابو الشرهات
فكري مع سيد الخفرات ... تفتـح وتقفــل على الفرغات

[رحال التنهات]

ياهل البراري شكيت الحــال
وش سبت الحض لامن مال
دوم ارفع الصوت بالمــوال
ياعين ياليل ياليـــــــــــــلي

[الركام]

لا تشكي الحال يارحـال
الصبر لو شانت الاحوال
الله امرنا بحـسن الـفـال
يزين حـضـك ولــو تالي

[رحال التنهات]

اشكي من اللي عليه البال
دايم معي حلي اوترحــال
الفكـر دايـــــم معه جوال
وقبلــه انا ياوش احليلي

[الركام]

مد الرجاء في العظيم العال
واعزم على طلبته بالحال
بـيـسـر الله لــك مـاطـال
ويصير مرك عسل حالي

[رحال التنهات]

شربت مر بدون وصــــال
وابطيت وانا على ذا الحال
واليوم وصلي بهم محـــال
لله ياعـــــدلي وميـــــــلي

[الركام]

مدام ضاقت بك الاحـوال
ان كان تقدر على المحوال
فلاتحمل النفس زود اثقال
من خـوف ما تنام بالـيلي