مالوم عين ن تالي الليل تبكيك

[عبدالمحسن الرحمه]

مالوم عين ن تالي الليل تبكيك
ومالو قلب ن تالي الليل ناداك
لامر طيفـك فـزّ قلبـي يناديـك
يا مرحبابك داخـل القلـب حيـاك
لولا الحياء ياخل والله لا سميـك
باسم الغلا والقلب عاشق ويهـواك
يا ليتني طاير واحلـق واراعيـك
كان أهتني واشوف دربك وممشاك
ياخلي إرحمني عسى الله يخليـك
وألطف بحالي ياعسى الرب يحماك
كم ليلة ن مضيتهـا فـي حراويـك
أرجي قدومـك واتهنـى بلقيـاك
يا نور عيني قلي اليـوم وشفيـك
تهجر خليـل ن تايـه ن فـي محيـاك
عجزت أبصبـر واتغـلا واخليـك
ونسى حياتك يا خليلـي وطريـاك
يا عزوتي ماظن نفسـي تخليـك
يا كامل الأوصاف عينـي تمنـاك
اطلب تدلل ياأدعج العين واعطيك
طلبك مايغلى ترانا عطيناك
ياليت منهو طول وقته يباريك
لاتحسب إنا ياحبيبي سليناك
عيني تراها ياحياتي تراعيك
شفق ن على حبك وطامع بلاماك
أنا أتنفس حبك الله يهنيك
جاوب حبيبك يوم صرح وهناك
أذكر إلهي دوم واقهر معاديك
سبحان رب ن بأجمل الخلق سواك
ودي أزورك ياحلو في مرابيك
كانك موافق ياحبيبي وصلناك
قدر شعور اللي يودك وشاريك
قل تم ياظبي الفلا لاعدمناك
أذكر سواليفك ولانيب ناسيك
أنت الغلا والحب وشلون أبنساك،