تسلملـي اعـيـون ن بـهـا الكـحـل مـزفـون

[عبدالمحسن الرحمه]

تسلملـي اعـيـون ن بـهـا الكـحـل مـزفـون
وتـسـلـم محـاجـرهـا ويـسـلـم نـظـرهــا

لاشفتهـن كـنـي مــن االـشـوق مجـنـون
واسـامـر انـجـوم السـمـاء مــع قـمـرهـا

يـتــل قـلـبـي رمـشـهــا أســــود الــلــون
والبـرقـع الـلــي مـــن حـلاهــا سـطـرهـا

حسبي على من صاغ شكله على عيون
يسـحـر جمـيـع الخـلـق بــدو وحـضـرهـا

لاهـل مـن شعـره عـلـى العـيـن بالـهـون
ضـاعـت مـلامـح عيـنـهـا مـــن شـعـرهـا

مــن حسنـهـا ماشـفـت مثـلـه بهـالـكـون
تشبـه قمـر خمـسـة عـشـر فــي شهـرهـا

الـخـد كـنــه بـــرق فـــي عـالــي مـــزون
والخـصـر جذع الموز نابي شجرها

مبسـم وخشـم ن كـنـه السـيـف مسـنـون
تـضـحــك بــغـــر ن كـالــبــرد وآعــذرهـــا

مـا أسمـع بهـا العـذال لـو هـم يعـذلـون
قلـبـي طـمـع فــي حـلــوةن مـــا قـدرهــا

مالـوم قلبـي لــو غــدا الـيـوم مطـعـون
ومـالــوم عـيـنـي لــــو تـتـابــع سـهـرهــا

بسـبـاب نـظـره خـلـت الـفـكـر مـرهــون
لاعــادهــا الله يــــوم أنــاظــر نـظــرهــا

هـذا عـذاب الـشـوق والـشـوق ملـعـون
مـن طـاح فــي بـحـره عجـيـب ن دررهــا

الشـوق مثـل السـم يسـري علـى الهـون
لامـن سـرى فـي نـفـس عـاشـق دمـرهـا

تصـبـح حيـاتـه دايـــم ن دون فـــي دون
كــنــه عــلــى نــــار ن تــقـــادح شــررهـــا

يــــا الله يــــم أيــــد نـبــيــك بــهـــارون
بــآيــات تـبـهــر مـــــن ولـــــي ن أمــرهـــا

تـرفـق بحـالـي يـالـولـي ن عـلــى الـكــون
يـــا عــالــم ن بــســر الامــــور وجـهـرهــا