ﺍﻣﺸّﻲ ﺍﻟﺴﺎﻟﻔﺔ .. ﻣﻦ ﻃﻴﺐ ﻧﻴّـﺎﺗﻲ
ﻟﻮ ﻫـﻲ ﻋﻠﻰ ﻭﺟﻬﻬﺎ ﻭ ﺍﻻ ﻣﻘﻔّـﺎﻫﺎ
ﻣﺪﺍﻣﻨـﻲ ﺻﺢ .. ﻻ ﺍﻓﻜـﺮ ﻭﻻ ﺍﺣﺎﺗـﻲ
ﻭﺍﻟﻠﻲ ﻧﻮﺍ ﻟﻲ ﺑـ ﻧﻴّـﺔ ﺳـﻮﺀ ﻳﻠﻘﺎﻫﺎ
ﺃﺷﻮﻑ ﻧـﺎﺱٍ ﺗﻀﺎﻋﻔﻨﻲ ﻣﻦ ﺳﻜﺎﺗﻲ
ﻣﺎﺗـﺪﺭﻱ ﺍﻟﻨﻔﺲ ﻋﺪّﺗﻬﺎ ﻣﻦ ﺭﺿﺎﻫﺎ
ﻭﺃﺷﻮﻑ ﻧﺎﺱٍ ﺗﺒﻲ ﺗﻜﺴﺮ ﻃﻤﻮﺣﺂﺗﻲ !
ﻭ ﺍﻟﺤﻤﺪﻟﻠـﻪ ﺃﺟﻴﻬـﺂ .. ﻭ ﺃﺗﻌـﺪّﺍﻫـﺎ
ﻳﺎﻣﺪﻭﺭ ﺍﻟﺸﻌﺮ ﻳﻮﻡ ﺗﺪﻭﺭ ﺃﺑﻴﺎﺗﻲ
ﺃﺑﺸﺮ ﺑﻤﺰﻧﺔ ﺗﻬﻞ ﻭﻻ ﻭﻗﻒ ﻣﺎﻫﺎ
ﻫﻤﺖ ﻭﺩﻣﺖ ﻫﻮﺁﻫﺂ ﺻﺮﺻﺮً ﻋﺂﺗﻲ
ﺳﻮﻳﺘﻬﺎ ﻳﻮﻡ ﺭﺏ ﺍﻟﻌﺮﺵ ﺳﻮﺍﻫﺎ
ﻣﻦ ﻣﺰﻧﺔ ﺳﻴﻠﺖ ﺗﻤﺸﻲ ﺑﻤﺸﻬﺎﺗﻲ
ﻳﺴﻮﻗﻬﺎ ﺍﻟﺒﺪﻉ ﻭﺍﻟﻤﻌﻨﻰ ﺗﻘﻔﺎﻫﺎ
ﺃﻧﺎ ﻋﻠﻰ ﻓﻄﺮﺗﻲ ﻣﺎ ﺻﻨﻊ ﺑﺬﺍﺗﻲ
ﻭﺡﻼﺓ ﻃﺒﻊ ﺍﻟﺒﺸﺮ ﻋﻠﻰ ﺳﺠﺎﻳﺎﻫﺎ
ﻳﺎﻟﻠﻪ ﺗﻐﻔﺮ ﻟﺤﻴﻲ ﻭﺍﺭﺣﻢ ﺍﻣﻮﺍﺗﻲ
ﺍﻟﻠﻲ ﻋﺮﻓﺖ ﺍﻟﺴﻨﻊ ﻣﻊ ﺟﺮﺓ ﺧﻄﺎﻫﺎ
ﻭﻳﺎﻟﻠﻲ ﺳﻤﻌﺖ ﺍﻟﻮﺻﻴﺔ ﺟﻮﺩ ﻭﺻﺎﺗﻲ
ﺍﻟﻘﻠﺐ ﻣﺼﺨﻲ ﺑﻬﺎ ﻭﺍﻟﻌﻘﻞ ﻳﺪﺭﺍﻫﺎ
ﻳﺎﻣﻦ ﺗﺤﺎﻭﻝ ﺗﻬﺪ ﺟﺒﺎﻝ ﺍﺑﺎﻧﺎﺗﻲ
ﻓﻜﺮ ﻗﺒﻞ ﻫﺪﻫﺎ ﻭﺷﻠﻮﻥ ﺗﺮﻗﺎﻫﺎ !
ﺍﻧﺎ ﻭﻟﺪ ﺷﺎﻳﺐٍ ﺗﻜﺮﻡ ﺷﻨﺒﺎﺗﻲ
ﻋﻦ ﻣﺴﺘﻮﻯ ﺍﻟﻌﻔﻦ ﻭﺍﻟﺮﺩﻳﺎﻥ ﻭﻟﺤﺎﻫﺎ
ﻛﻢ ﻟﺤﻴﺔٍ ﻣﺎﻫﻲ ﺑﻜﻔﻮ ﺍﺑﺘﺴﺎﻣﺎﺗﻲ
ﺑﻌﺾ ﺍﻟﻤﺠﺎﻣﻞ ﻳﺤﺪ ﺍﻟﻨﻔﺲ ﻟﻘﺼﺎﻫﺎ
ﻭﻟـ ﺃﻋﺮﻑ ﺃﻗﻮﻝ ﺍﻧﺴﺎﺗﻲ ﻗﺒﻞ ﺳﺎﺩﺍﺗﻲ
ﻛﻴﻒ ﺍﻓﻬﻖ ﺭﺟﺎﻟﻬﺎ ﻭﺍﻗﻠﻂ ﻧﺴﺎﻫﺎ !
ﻟﻮ ﻳﺰﻋﻞ ﺍﻟﻠﻲ ﺯﻋﻞ ﻫﺬﻱ ﻗﻨﺎﻋﺎﺗﻲ
ﺍﻟﺒﻨﺖ ﻣﺎﻫﻮ ﻣﺮﻛﻰ ﺍﻟﺮﺟﻞ ﻣﺮﻛﺎﻫﺎ
ﺍﻟﺒﻨﺖ ﻳﺼﻠﺢ ﻋﻠﻴﻬﺎ ﺛﻮﺏ ﺑﻨﺎﺗﻲ
ﻣﺎﺗﺼﻴﺮ ﻗﺒﻞ ﺍﻟﺮﺟﺎﻝ ﺍﻟﻠﻲ ﺗﻌﺰﻭﺍﻫﺎ
ﻭﻳﺎﻟﻠﻲ ﺗﺼﻴﺪ ﺑﻐﻠﻄﺎﺗﻲ ﻭﺯﻻﺗﻲ
ﺃﻧﺎ ﺑﺸﺮ ﻭﺍﻟﺒﺸﺮ ﻣﺎﺍﻛﺜﺮ ﺧﻄﺎﻳﺎﻫﺎ
ﺃﻧﺎ ﺑﺪﻭﻱ ﻓﻲ ﺏﻼﺩ ﺍﻟﺠﻮﺩ ﻣﺮﺑﺎﺗﻲ
ﻭﺍﻟﻨﺎﺱ ﺗﺮﺟﻊ ﻟﻤﻌﺪﻧﻬﺎ ﻭﻣﺮﺑﺎﻫﺎ
ﺑﻌﺾ ﺍﻟﺮﺟﺎﻝ ﻳﺘﺒﺪﻭﺍ ﺧﺮﻁ ﻛﺎﻵﺗﻲ :
ﺟﻴﺐ .. ﻭﻣﻌﻪ ﻃﻴﺮ .. ﻭﺃﺑﺸﺮﺑﻪ .. ﻭﺷﺮﻭﺍﻫﺎ
ﻭﺷﺮﻭﺍﻙ ﻃﻴﺐ .. ﻭﻓﻌﻞ ﺟﺪﻱ .. ﻭﻏﺰﻭﺍﺗﻲ
ﻭﺍﻟﻤﺮﺟﻠﺔ ﻗﺎﻝ ﺧﻠﻮﻫﺎﺍﺍﺍﺍ .. ﻭﺥﻼﻫﺎ !
ﻭﻻﺯﻡ ﻣﺒﻬﺬﻝ ﻭﺛﻮﺑﻪ ﻭﺻﺦ ﻭﻳﻬﺎﺗﻲ
ﻭﻻﻳﻌﺮﻑ ﺍﻟﺒﺪﺍﻭﺓ ﻭﺵ ﻣﻌﻨﺎﻫﺎ
ﻣﻦ ﻋﻠﻤﻚ ﻫﺎﻟﻠﺒﺎﺱ ﺍﻟﻮﺻﺦ ﻳﺎﺯﻧﺎﺗﻲ
ﻟﺒﺲ ﺍﻟﺒﺪﻭ ﻳﺎﺿﻌﻴﻒ ﺍﻟﻌﻘﻞ ﻳﺰﻫﺎﻫﺎ
ﺗﺮﺍ ﺍﻟﺒﺪﺍﻭﺓ ﺳﻠﻮﻡ ﻭﻓﻌﻞ ﻭﺍﺛﺒﺎﺗﻲ
ﻭﺛﻘﻞ ﻭﻋﻘﻞ ﻣﻊ ﺭﺟﺎﻝ ﻋﻨﺪ ﻣﺒﺪﺍﻫﺎ
ﻭﺣﺸﻤﺔ ﻭﺷﻴﻤﻪ ﻭﻭﻗﻔﻪ ﻋﻨﺪ ﻛﻠﻤﺎﺗﻲ
ﻭﻋﺰﻩ ﻭﻫﻴﺒﺔ ﻭﺳﺘﺮ ﺍﻟﻠﻲ ﺗﻨﺨﺎﻫﺎ
ﻳﺎﻟﻠﻪ ﻳﺎﻟﻠﻪ ﺗﺮﺯﻗﻨﻲ ﺑﻨﻴﺎﺗﻲ
ﻭﺍﻟﻠﻲ ﻣﻌﻪ ﻧﻴﺔ ﺑﺎﻟﺴﻮﺀ ﻳﻠﻘﺎﻫﺎ
الجباااااااري
2012-05-31, 09:54 PM
أمشي السالفه من طيب نيااااتي
من طيبك طال عمرك 
العرض العادي
