[ صور ] أمطار جنوب عنيزة على طريق عنيزة المذنب 10 كم السبت 17 /3

[محمد النجيبان]

السلام عليكم ورحمة الله وبركاته
رغم الوعكة الصحية لأخي النصوح
وإنشغالي الشديد حبينا أسعادكم بهذا التقرير المتواضع
لأمطار السبت 17 / 3 / 1430هـ وقد تم التصوير بعد صلاة العشاء الساعة الثامنة والنصف تقريباً
في تمام الساعة الخامسة كانت عندي دورة في مركز التدريب في عنيزة لمدة أسبوعين من الساعة الخامسة الى الساعة الثامنة أول ما دخلت القاعة طوالي فتحت الكمبيوتر وأدخل على رادر القصيم وشبكة البراري وأبدأ بمتابعة أحوال الطقس وأخبار الامطار
المدرب يشرح اليوم كيفية تصميم موقع بسيط وانا منب معه والله ما أدري وش يقول خلص المدرب من أعطاء النقاط الرئيسية للتصميم وبقى التطبيق العملي وأخوكم أبوعبد الله ما سكن خط مع مراسلين البراري والردار اذن المغرب صلينا ورجعنا للقاعة أبطبق ما قدرت عقلي مع المطر المهم أتصلت على أخي النصوح والرجال تعبان قلت له أبطلع من المركز بعد ربع ساعة وتلقان عندك قال ما أقدر قلت تبي تطيب لا شفت المطر أستأذنت من الاخ أبو محمد المدرب في المركز قال سلامات ليه بتطلع وأنت ما سويت شئ قلت جتني حالت عدم استقرار مع المطر وريح المطر والله ما أقدر أركز معك أبطلع بإذن الله
الرجال ما قصر وطلعت وطوالي الى النصوح وعشردقائق وأنا أنتظر أخي النصوح وطلع ومعه كيس من الأدوية ويكح وحالته حاله
وتوجهنا الى جنوب عنيزة تقريباً 10 كم عن عنيزة وكانت هناك أمطار لأحد السحب الرعدية التي عبرت القصيم مشت بعض الشغايا والعبارات
أخواني أسف على الاطلة وأترككم الان مع الصور

إكتمل التقرير بحمد الله وتصبحون على خير