أبفتح للجدال أبيات شعري وادفن المقود
لعل اللي فطين يصيد من لوله ومرجانه
.
أبضرب في البحر شرقه وبضرب ف الجبال أجنوب
وبعرج على نون الحياء في البيت وأركانه
.
بفك اللي تشربك من حبالي واعقد الملفوت
وحط الشعر في كفه وأحط العقل ف وزانه
.
ابلغي قاعدة كنا وابشرح قاعدة بنكون
لعل الشيخ يشبع من بقايا خير بستانه
.
تعب يزرع سنينه حب في رجوى المزون تجود
تعب وإحنا تعبنا والأمل مقفول بيبانه
.
تعبنا نسمع أرعود( ن) مطرها مايبل عروق
يطيح الحلم قبل العلم ما تحمله سيقانه
.
تعبنا نبني القلعه عرق ونعيش خلف السور
يباسا أحلوقنا والماء تسابق فيه وديانه
.
نكابر يا وفانا بس من وين الدمانا عروق
نزف دم الكرامه في زمن بخست به أثمانه
.
نردد يا صبر هانت بعد ليل الظلام اشروق
ويردد صبرنا يا كم سمعت أوعود رنانه
.
حولينا الفيافي مربعه وأيامها في ديم
وحنا يوم واحد كيف يحيي أغصون ذبلانه
.
يحثون الخظأ نحو النجاح ومشينا بالكود
عيون مفتحه وعيون فيها النوم نعسانه
.
نحاول نرفع الهامه وتخنقنا يدين سنين
نحاول بس مامن حيل والاحوال تعبانه
.
بدا فينا التعب ياحذ نصيبه والعزوم تخور
نقاوم يازمن طاري الربيع ودعوة أعوانه
.
عشان ارقابنا تحمل لحكمك يازمنا اعهود
دخيلك لاتخلي العقل يتبع فكر شيطانه
.
تذكر يوم كنا يازمن في المعركه وافين
خذيناها غصب والقصر دان بكل سكانه
.
تذكر مايعيش القلب لوجاع بحماه ضلوع
مدام الجسم واحد يازمن نحيا على شانه
2012-04-02, 07:47 AM
غير صالح للنشر 1
العرض الشجري