رحلتي للشوكي والتنهات للبحث عن الفقع

[ولد نجد]

السلام عليكم ورحمة الله وبركاته
مساكم الله بالخير جميعاً
بحمد الله تمت رحلتنا الخميس والجمعة الماضية انا وربعي يم الشوكي والتنهات بنجاح تام خاصة أنها دفوه
وصلنا صباح الخميس للشوكي وقضينا فيه أجمل ليلة وشاهدنا فيه ربيع طيب وقادم بقوة
وقد بحثنا عن الفقع حوله وحواليه بس لم نوفق حتى في الهوبر ...
وقد جأتني إخبارية قوية بوجود فقع وموعده الأسبوع الجاي إن شاء الله
ويوم الجمعة نصينا التنهات وكان ربيعها طيب بالحيل ...
وتغدينا جنب الفيضة من جهتها الغربية وتفاجأنا بوجود الهوبر بكميات كبيرة جداً حتى فكرنا نضعه مع الغداء
وعندما اردنا العودة عصراً وجدنا ردمية ابراج الكهرب وكانت مسكته اختصرت علينا طريق العودة
والآن مع مانجح من صور :77: ..

البابونج قادم بقوة



احد الاغادير الموجودة بكثره



نبات الغار



وقده من جذامير السمر



الهوبر شايل الأرض




وهاذي فلاقع الهوبر وتشاهدون أم سالم حافرتن فتحه للهوبر لأجل وجبه دسمه





وهاذي الساعة المباركة اللي شرفتوا

[الوافي]

يا ملا العافية

اجل تراني خويك الاسبوع القادم

شكرا على هذي الصور الممتعه

[nahham]

هلا ابو احمد

اقول وش له مخترعين الجوال ما تعرف تقول الو ونلحقكم لو في الصمان

ياويلك وياسواد ليلك ان ماقلت لنا وينك الخميس الجاي

ترى احط اذاني واذنك اربع ........... لا تقول ماعلمتني

[زايد الخيرات]

انا مستغرب وراك ما مريت اهل تمير

او مهوب دايم

[الروضة]

ماشاء الله عليك ياأبو أحمد والحمد لله على السلامة
ومشكور على هذا التقرير المصور وجزاك الله خير

[معدي المرقاب]

رحله جميله ماشاء الله عليك


بالتوفيق دائما ان شاء الله


مشكور

[باحث أثار]

ماشاء الله عليك ياولد نجد
موضوع منسق وجميل وموثق في الصور الحلوة
تشكر عليه

( اخوي الروضه ) يذكرون الفقع شمال من الزلفي انا ونت زلفاوية نبي نروح نصور ونجيب فقع ونزل مواضيع عنه
وش رأيك اتفقنا

تحياتي لكم
اخيكم ابوسامي

[عاشق الدحول]

مدري اخوي باحث اثار اخاف يسبقونك اهل تمير

شكرا اخوي ولد نجد على الصور

[راعي ال 8100]

مشكور اخوي ولد نجد عالصور الروعه

ورحلة موفقه والله يجيب الخير انشاء الله

[abo ali]

وعليكم السلام ورحمة الله وبركاته

الله يعطيك العافية

وماقصرت والحمدلله على نعمة ربي