يا اهل البراري لا تهلون بالحيل = والله ما استاهل ربع ها لتحايا
انا مثل غيري ارود المعاميل = واشرب بفنجالن يروي ضمايا
احب نظم القاف واحرص على القيل = وتوي جديد وعارفن مستوايا
سجلت في هالمنتدى يالمشاكيل = ابا استفيد وجبت فكري معايا
ولقيت ابو مالك يهل التهاليل = وماهي غريبه من شريف السجايا
وانثر ورود الفل والبن والهيل = للي يرحب وانتقي له هدايا
والله يعين وجعلها للتساهيل = واجمل تحيه من حبيس الحنايا