اليوم راح اذكرلكم طريقتي السريعه في
(الدجاج المحمر)
لذيذه وسريعه وتصلح للرجيم مافيها قلي
واهم شي مافيها حوسة مواعين
قطعي الدجاج انا نصف دجاجه اقطعها سبع قطع
تقريبا بس اهم شي شيلي الجلد
ضعيها في القدر وحطي عليها بياله الا ربع خل ابيض او ثلاث ارباع البياله و3 فص ثوم قطعيه بشكل طولي وبياله ماء وخليه على نار وسط لمده نصف ساعه الى ان تتشرب مويتها
طفي النار ورشي عليها ملح وبهارتك وكمون
وملعقه كبيره معجون طماطم وحركيها بالملعقه
سخني الصاج او التاوه ورشيها بملعقتين زيت كبيره وضعي الدجاج واذا تحمر اقلبيه على الجهه الثانيه وقدميه مع الرز الابيض او الخضار
طعمها كأنه مقلي وطعمة البهارات حلوه مرره
هذا مقدار نصف دجاجه تقدرين تضاعفين المقدار
وترى الخل ماراح يبان مره بس يعطي نكهه وطراوه للدجاج
لاتنسون تجربونها تراها سهله