[أميرة البراري]

هذي شهادة حق والحق ينقال * والحق واضح والتصنع جهاله

وهرج(ن) بدون اثبات راعيه ماطال * ومدح(ن) بدون افعال كذب وظلاله

وانا احمدالله ما اتبع القيل والقال * لي منهجي والشعر مثل الرساله

والحق مايزعل كريمي(ن) الافعال * ومن لا اقتدى بالراي محد(ن) عناله

ومن لا يثبتّ هرجته كل ماقال * خلوه عكفان الشوارب لحاله

وابذكر اهل الطيب في طيب الاعمال * اهل الوفا واهل الكرم والشكاله

من طيبهم في طيبهم تضرب امثال * على النقا من مات طيبه بقاله

وكل(ن) وله مقصد وغايه ومنوال * وابذكر اللي كل من ضاق جاله

واخص رجال(ن) عن الفين رجال * فزعته فزعت عز والعز فاله

(ابوحمد )امعرب العم والخال * ما خاب ظن اللي بلازم سعاله

له فزعت(ن)تغني عن الجاه والمال * واليا حمى الماقف وقف واحتماله

ماجاب عذر وفزعته تشرح البال * ولا غيّره منصب ولا شاف حاله

اهداء خاص لأبوحمد
مع اجمل تحيه
أميره بكلمتي