[غريب ابوشوق]

بسم الله الرحمن الرحيم
والله اني مبطي عنكم العذر والسموحه



ابها يابو لمياء بها القلب يــــرتـــــاح
............لاتلومني لوقلت امـــوت بهـواهــــــا

اقسم قسـم بــــالله ما نيب مـــــــزاح
.......... اسكر يابو لمياء لـــــــو اذوق ماهــــــا

جيت الجنوب برغبتي جيت ســواح
........... ياليت تدري وش بقلبــي غلاهــــــــا

فيها همومي لاابتدى الليل تنــــــزاح
..........وبالصبـــــــح روحي حصـــــلت مبتغاهـا

صوت المطر والغيم والبــرق لالاح
........جو(ن) بها سبحان رب(ن) عطاهـــا

فيها هنوف(ن) عطـرها بالسماء فاح
..............تمشي وانـــــا امشي يامحمــــــــد وراهـا

ناديتها يا بنت ويــــــن القمـــــر راح
.............خفت خطــــــاويها وبين صباهــــــــا

جــــرت عبايتها ومن كفهـــا طـــاح
.............جوالها الـــــلي شاف قبلي حلاهـــــــــا
.................................................. ....
.................................................. ............
تلفتت قالـــــت لي الشــــوق فضـاح
................ قلت القلـــــوب العاشقه وش دواها

قالت دواك تشوف واعطيك الارباح
...............عيني ترى ماغــــيرك احد(ن) ملاها

يابنت قلبي مايبي غير الافــــــراح
.............عطيه لين الروح تـــــــروي ظماهـــــــا

مشاعري تتعب على دمج الارواح
..............روحي وروحك يسعد الله مســـاهــــــــا

راحت وانا ما بين ضايق ومرتاح
.............. جوالها عنـــــدي وقلبــــــــي معــاهـــــــا