[ms662]

المشاركة الأصلية كتبت بواسطة جارمن نوفي

ياخي جيب اجهزة وبيع هنا
ليش داخل موضوع بحسد وكلام سوقي مثل وجهك
ورح اشتر من ابو 1050 وانا رادك ؟؟؟ او خل بريد واصل يجب لك جهاز ههههههههههههههههههههههه والله ان الكلام معك ضايع , لي تعرفه انت امازون واصل بس هذا لي فهمته واتهمت الاخرين بالجشع والغش لانك فقط فهمت امازون واصل ,, ياشيخ انت واحد من الاثنين ياجاهل او حسود خبيث
داخل على الموضوع تقول اشتري ب 800 ريال !!! خير ان شاء الله , ماتعرف في البيع والشراء , ماتعرف في شي اسمه حد وان مافي سوم على شي محدود ,, يعني لازم انت وجهك تبين انك فاهم وتعرف تشري من النت ياخي بالطقاق روح اشتر , لاتجي في موضعي وتسبب لي شوشرة وانا عارف قصدك فقط الحسد وتخريب السلعة ,
ولو كان همك السعر كان كلمتني بالجوال وتفاوضت معي , لكن مقصدك واضح
الله لايسامحك

وش فيك وش فيك
اعصابك لاتطير في العجه اركد:40:

بدايه من الي كلامه سوقي تابع كلامك وانت تعرف من السوقي.
الله يسامحك انا خبيث لو اني بألعب على الناس صح
انا راسلتك قلتلك 800 ريال رد وقل ماتوفي معي خلصنا بين البايع والشاري يفتح الله.
لاكن تجي تسوي فاهم وتقول دلني على الي يبيع اشتري فدليتك على الي يبيع
والرجال الي تقول اروح اشتري منه (1050)راسلته وقلت له بنفس السعر الي سمت فيه جهازك وكان نص رده لا جزاك الله خير وانتهى الموضوع بيني وبينه ليش لانه ماجاء يقول عطني واحد يبيع بالسعر هذا اشتري منه.
وانا اذا ماكنت اعرف الا امازون وواصل فهو احسن من الي يلعب عليه ويجيب اجهزة بالغالي ويحاول يدلس على الناس ويوهمهم بها.
واكيد ان شاء الله بأخذ عن طريق امازون والتوصيل بالبريد السعودي-واصل-
فعلى قد ردك يردون عليك الناس اذا كان رجولي حصلت رد رجولي واذا كان بإستخفاف ماراح تحصل الا مثله
ووالله لو انك رديت على بعد السومه بكلمه ماتوفي معي او بس قلت لا ان كان رديت عليك بالله يرزقك وان شاء الله تبيعه بعشره الاف انا ماراح اخسر شي ماعندي بضاعه مثل بضاعتك ولا همني التجاره بالاشياء هذي
وبالنسبه لكلمتك مافيه سوم بعد الحد ارجع لمواضيع البيع وشف الرجال الي يبيعون يقولون له حد فيرد (من حد لد) اتمنى انك تعرف معناها
وبعدين انت تقول ان الحد مابعده سوم لو تدخل محل وتلقى على سلعه سعر خلاص يعنى هذا تعتبره حد وتشتري وبس اذا كان كذا الله يكثر امثالك علشان نفتح محلات ونحدحد عليهم
الواحد اذا دخل المحل اخر مايهمه السعر على القعطه يكاسر اذا وافق الطرفين الحمد لله واذا كان العكس البايع معه بضاعته والمشتري معه فلوسه.
فتعلم ضبط نفسك لانك في مجال التجاره الله يوفقك وانا اقوله من قلبي بتصادف جيمع اصناف الزبائن الحبيب والمجنون والخبيث وحتى الي فاهم اكثر منك في سلعتك الي تبي تبيعها فخل ردك موافق او لا وبس ولا تكثر لانك بتلقى مالا يرضيك اذا كان ردك ماله داعي
وانت تدعي ان الله لايسامحني فأنا اقولك الله لايسامحني اذا كنت قاصد الاضرار بك
انا كنت بأشتري وجاد وطبعي قبل ماأشتري اسأل في النت وغيره عن سعر القطعه او الشي الي بأشتريه لقيت مثل جهازك حسبت كل شي مع الشحن وزت مائه ريال وش تبي اكثر يعني لازم تكون مثل الوكالات الحراميه مائه بالمائه ولا مافيه
ولو كنت ابي اضرك ان كان من اول قبل مااسوم 800 ريال قلتلك لا غالي هذا الرابط وهذا السعر كيف تبع بالسعر هذا لكن انت من طلب الشراء وبإستهتار فردت لسببين الاول انك مكذبني واستخفيت بي وكان لازم ارد عليك لاننا في منتدى معروف وكلن يطلع عليه واي واحد مايسكت للي يوصفه بالاوصاف هذي او يحاول يستخف به، والثاني لانك طلبت واحد تشتري منه بالسعر هذا وارسلتلك كامل التفاصيل.
الزبده ((لسانك حصانك ان صنته صانك وان خنته خانك))