يالله المعبود يا رب الخلايق والعبادي
طالبك تسقي جميع ديارنا بأرض الجزيرة
مع دخول الشهر شهر الخير بالخيرات زادي
شوال الخير خيراته على المسلم كثيره
طالبك مزن الوسوم بالسيل الركادي
من بحرها للبحر يسقي وطنا بكل ديره
بارق يسري هبوبه من صبا والجو هادي
بارقه يشوق الناظر وراكد في مسيره
بارق بالخير سيله نبته العشب الجدادي
لا تعطف نباته جاته سيول غزيره
ثم نشوف النبت زامي زايد في كل وادي
والفياض نشوفها بالعشب فاحت مستنيره
النفل هو والبختري نفخته عود وكادي
والخزامى عاطف ويزود في نفحة عبيره
ويتونس راعي الإبل لا تبعها بالبرادي
تقطف النوير طايل واعتلى صافي غديره
والحرار مبرقعات والمه وقت الهدادي
والنشامى كل واحد فوق كفه شال طيره
ما جلس من بينهم قتات وعلومه سوادي
مهنته نقل النمايم وانعمت فيه البصيره
ما يجي من بينهم غير الرجال اهل المبادي
الرجال اهل الكرم والطيب وعلوم سفيره
اللهم انزل علينا الغيث ولاتجعلنا من القاانطين
برحمتك ياارحم الرااحمين