[منصور المناع]

الفراش مهم جداً ولا يستغني عنه راعي البراري لكن انا خبرتي بالفرش قليله لكن أبدلي بدلوي في الموضوع

الفرش أنواع وأشكال فيه فراش صيف وفراش شتاء وفيه جاهز وفيه تفصال وفيه وطني وفيه مستورد وكلن وذوقه

أنا كان عندي واحد أمريكي صغير وخفيف وخرب سحابه وقمت وفصلت واحد تنزاني بنفس طريقه الفراش الأمريكي بس أكبر شوي وأدخل بالفروة معي وأتلحفها إذا حسيت بزيادة البرد

وأنصحك إذا كنت تريد وطني إنك تأخذ مثلما قال الأخوان فراش الدريويش بس مشكلته انه اذا طويته يطلع حجمه كبير شوي

وإذا كنت تريد مستورد فعندك الأمريكي جامع شيئين معا الدفاء والخفه والخامة مايحتاج وتتحمل درجات حرارة تحت الصفر بس عيبه انه صغير حجمه ماتاخذ راحتك فيه

أما إذا كنت تريد أن تفصل لك فراش فعليك أن تختار خامات جيدة مثلاً أن يكون الشراع تنزاني وخط عليه مفرش عادي نفرين اللى يسمونه بولستر ويكون قماشة قوي وما يتنتش وإذا كنت تحب يكون دافي أكثر خط عليهم فروة تركيه او بلجيكيه والسحاب يكون اصلي ياباني او امريكي وافصل فيه سحاب داخلي لزوم المفاتيح او المحفظه علشان ما تضيع واذا تبي تخربها حطلك شراع رصاصي بلاستيك فوق الفراش يركب بطقطق علشان لا جاك المطر حط أبو طقطق ولا يجيك المطر

هذي من وجهة نظري

اتمنى اني قدمت شيء مفيد ولو قليل