قال الخـلاوي والخـلاوي راشـد
عمر الفتى عقب الشباب يشيـب
حسبت انـا الأيـام بالعـد كلهـا
ولا كل من عد الحسـاب يصيـب
حساب الفلك بنجم الثريا مركـب
يحـرص لـه الفـلاح والطبيـب
فيلا صرت بحساب الثريا جاهـل
ترى لهـا بيـن النجـوم رقيـب
الى غابت الثريـا تبيـن رقيبهـا
ويلا اطلعت ترى الرقيـب يغيـب
ولا قارن القمـر الثريـا بحـادي
بعد احد عشر عقب القران تغيـب
وسبع وسبع عد له بعـد غيبتـه
هذيك هي الكنـه تكـون مصيـب
ومن بعدها تطلع وبها القيظ يبتدي
وتاتي بروق ولا يسيـل شعيـب
ويلا مضى خمس وعشرين ليلـه
ثقل القنا من فـوق كـل عسيـب
وتطلع لك الجوزا وهي حنة الجمل
وتاتي هبايـب والسمـوم لهيـب
والى مضى خمس وعشرين ليلـه
يطلع لك المـرزم كقلـب الذيـب
والى مضى خمس وعشرين ليلـه
يطلع سهيل مكـذب الحسيـب
والى مضى خمس وعشرين ليلـه
تلقـا الجـوازي طردهـن تعيـب
تلقا الجوازي مـا تناظـر مقيلـه
ليلـه نهـار وتجتلـد وتليـب
والى مضى خمس وعشرين ليلـه
لا تامـن المـا صيبـه صبيـب
هذي قصيده الشاعر راشد الخلاوي
وشوف الي باللون الاحمر يقصد الايام الي حنا فيهاا