الشاعر عايد بن رغيان الشراري يرثي الشاعر هواش بن عايد السليمي الحربي رحمه الله
غبطت طفـلا جاهـلا مابعـد طـاش ،،،،، ماغيـرت دنيـاه شكـلـه ولـونـه
يلهيه عن جور الدهر حـس لـولاش ،،،،،، اهلـه كـرام ابـرار مـا يغضبونـه
قلت أه من دمع هماليـل وارشـاش ،،،،،، كـن الثريـا ترتطـن فـي مزونـه
توي عرفت ان الدهر صحبتـه مـاش ،،،،،، يصـك مـن صكـت لياليـه شونـه
والا البشر دم ولحم كثر مـا عـاش ،،،،،، لابد لـه مـن يـوم تسبـل اعيونـه
ماله عن المقسوم لو كـان ينحـاش ،،،،،، يأتـي لـه الديـان ياخـذ ديـونـه
من شال عن راس ابرهه تاج الاحباش ،،،،،، يمـر عقـب أدم وهــم مايبـونـه
الموت ياخذ عكف الاشنـاب ببـلاش ،،،،،، ويختـار وأهـل الـدم مـا يطلبونـه
ياليـت عزراييـل مامـر هــواش ،،،،،، ليت السليمي قصـر المـوت دونـه
ياليـت مايملـك يمينـي وماحـاش ،،،،،، يفـداه لوهـو بالثمـن يعرضـونـه
بالعون ما ينسى صديقه سوى اللاش ،،،،، ولا انساه والله لـو تقافـت اضعونـه
ذكرى وفاء ينبض بها الدم بالجـاش ،،،،،، الشاعـر اللـي مثلـنـا يذكـرونـه
شاعر فحل يعجبك قافه اليـا شـاش ،،،،، كن الجواهر مـن مصانـع الحونـه
بحر ألادب تلطم شواطيـه وان طـاش ،،،،، ماهـان احـد ولا يـدان المهـونـه
والله لــوان المقـاديـر تنـهـاش ،،،،، لا أحماه عن شـر الدهـر لايخونـه
واللي فقد مثلي كمـا الحـر هـواش ،،،،،، يفقـد مراسيـل النعـاس بجفـونـه
لفوه من تحت الثرى بأبيض الشـاش ،،،،،، ياكبـر قـدره عنـد مـن يدفنونـه
روابعي وردن علـى جـوه اعطـاش ،،،،، حامن على قبـره وعافـن سكونـه
عساه بالجنـه مـن الخلـد بفـراش ،،،،،، في جاه من كون على العرش كونـه
الشاعر : عايد بن رغيان بن وردة الشراري