[ابو الهنوف]

المشاركة الأصلية كتبت بواسطة هــبــس

السلام عليكم يله حيم انا بغيت اشاوركم ابطلع انا وشايب نتمشا ونشوف المطر بغيت اسئل وشي الديره الي مطرها طيب انا سمعت ان ثادق جاها برد ؟اعطونى ائراكم

هلابك ياخوي

انا امس مشيت من الرياض ويوم وصلت كبري العماريه من جهة صلبوخ وتمطر علينا
اليييييييين تعديت كبري العيينه يوم وصلت كبري العيينه تمطر علينا شبوب بس ماطول
يمكن عشاني مسرع بالسياره

بعدها صار الجو ترش وتوقف ترش وتوقف على خفيف الين وصلت شعيب حول حريملاء
بس مهوب شعيب كبير يعني مهوب عبيثران واشوفه يمشي بالسيل

يوم صارت الساعه ست وانا في ثادق الديره ما اشوف انه جاها شئ قوي
ولا سالت الديره بس المطر القوي من تطلع من مفرق البير اللي على الطريق السريع
حق ثادق ووجهك شمال اليييييين مفرق الوهابا او قبل مفرق الوهابا وهو جايهم مطر وشبوب ابشرك مريت مزرعه لواحد من اقرباي ماشاء الله تبارك الله
اتوقع هي الوحيده اللي سالت من بين مزارع ثادق كلها والنخل مليان مويه
يالله لك الحمد والشكر ..........

وفي طريق الرجعه ماجانا مطر ابد الييييييين وصلت الرياض ولا لحقت على مطر الرياض
اللي يقولون لاني كنت بثادق

هذا موجز مختصر وان شاء الله اليوم والاسبوع هذا كله خير على ديار المسلمين كلهم