[الوابل الصيّب]

المشاركة الأصلية كتبت بواسطة مراسل/جدة

تحذيرات ببرد أشد من العام الماضي وصقيع سيبيريا يضرب الوسطى والشمالية

الرياض (ضوء) : حذرت الرئاسة العامة للأرصاد وحماية البيئة
من احتمالات قوية لموجات برد قد تكون مشابهة لما شهدته مناطق المملكة في العام الماضي أو أشدّ منها.

مشكور يا مراسل جده على النقل
لكن ترى ما عندهم سالفه
السنه الماضيه جانا برد تاريخي وغير طبيعي ولا اعتقد نشوف مثله والله اعلم
لي قريب في البلد عمره اكثر من ستين سنه ومزارع
يقول
( ما عمري شفت مثل هالبرد بحياتي يقول نسمع عن سنه يذكرونها الشيان جاهم برد يخلي عسبان النخيل بعد طلوع الشمس تقطر ماء ويقولون ــ البرد عصر النخله ــ من قوته ويقول ان برد السنه الماضيه يا قربه من البرد اللي يذكرونه الشيبان بعض النخيل بالديره السنه الماضيه ماتت عسبانها وما بقى الا قلبها اللي بالوسط وبعض العسبان اللي حول القلب , ويقول ان برد العاده الشديد اللي يمر علينا السنوات الماضيه يموت ورق الشجر ومع الربيع يطلع ورق جديد بدون ما تموت الاغصان , برد السنه الماضيه موّت حتى جذوع الشجر , بعض الشجر ارتفاعها اكثر من ثلاث امتار وقطر الجذع اكثر من 15 سم ومات حتى جذعها وعاودت النمو من الارض يعني من العرق الساق ميت اول مره اشوف الشجر يموت بهالطريقه )
هذا كلام قريبي
ولا ازال اشوف اثر برد السنه الماضيه بالشجر اللي بالشوارع عندنا بالديره الان
ومرور حالة برد مثل السنه الماضيه لا اظن يصير والله اعلم
وهم يتوقعون برد اكثر قوه
هذولا مقززين