[القطامي]

السلام عليكم ورحمة الله وبركاته
كيف الحال يا اخوان إن شاء الله طيبين

موضوعي اليوم عن طريقتي في طبخ الدخل

إن شاء الله يعجبكم

بسم الله نبدأ

نجهز البصل ونحطه بالقدر ونحط معه أربع أو خمس دخيخلات ويكونن مشحمات ونبدأ بالحمس طبعاً بدون زيت لأن الدخل ما يحتاج زيت الي فيه كفايه وزياده
كما تلاحظون في الصورة

بعد ما يشقر البصل ويكون لونه ذهبي نضيف له الطماط والبهارات الي تحب ونقلبه دقيقتين
وتطلع الدخيخلات الاربع وتقرمشها أنت والي موجودين عندك

ثم نضيف الماء والملح لتكشينه طبعاً الماء على حسب الرز الي تبي تحطه ونضع عليه الغطا بدون تسكير ونخليه يفوح لمدة 5 الي 8 دقائق

بعدين نقصر عليه ونكون مجهزين الرز ومنظفينه نضيفه الي الماء بحيث تشوف الرز من الماء يعني يادوب يغطي الرز كما تلاحظون بالصورة

ثم نحط فوقه الدخل كما في الصورة

ثم نكتم القدر ونزود النار بعد ما يفتر البلف نقصر عليه ونخليه على نار هاديه جداً
ونحسب عشر دقايق وهذي النتيجه