السلام عليكم ورحمة الله وبركاته ...
عندما تسمع صوتا غريبا في سيارتك .. ماذا ستفعل ؟؟
أكيد ستهرع بها الى أقرب ورشة وإذا كان الصوت مخيفا والسيارة جديدة إلى الوكالة وعلى سطحة !!
وقد حصل معي نفس الشيء .. فقد ظهر صوت غريب في الماكينة وهو عبارة عن صوت طقطه يشبه صوت القزوز !!
إستغربت الصوت وذهبت بها الى أفضل الورش فقال الأول حساساات والثاني الكويل والثالث البلوف والرابع الكهرب زايد والوكالة موعد بعد شهر عشان تجيبها مخبطة وبعد الطقاق فحصوها وقالوا مافيهاشيء !! والأخير طينها وقالي توضيب قير ؟؟َ!! وماخليت صناعية الى وتنزهت فيها !!
وفي الأخير أتدرون مالعلة أخاف أقول ماتصدقوني !!
ذهبت الى إحدى الورش أبغى يفحص السيارة وقام وفحصها كومبيوتر وقالي السيارة سليمة .. بس عندي لك حل !! أنا إستغربت الحل وقعدت أضحك وقلت الله يخلف على أميمته قال : غير محطة البنزين اللي تعبي منها ويروح الصوت ))
تصدقون ماصدقته وبغيت أروح أعبي من نفس المحطة .. بس قلت خلني أجرب وفعلن غير المحطة ولله الحمد إختفى الصوت ؟؟
عارف إني طولت .. بس اللي يعرف السبب يقولي ؟؟